GJEBREA - KENGA MAGJIKE, SIVJET ME SHUME EMRA BIG

Supriza pa fund te ky edicion, nga Aurela Gaçe te dueti i Soni Malaj me Florin


Pas tetë vitesh festivali “Kënga Magjike” vjen në edicionin e vitit 2007 me surpriza të reja, me prurje tepër të arrira artistikisht dhe emra këngëtarësh të mëdhenj. Producenti i këtij eventi tepër të rëndësishëm tregon surprizat e këtij festivali, që do të nisë me “Duke pritur kënga magjike”, mbrëmjen e 22 tetorit.

Jemi shumë pranë fillimit të festivalit “Kënga Magjike”. Çfarë mund të themi për risitë e këtij viti? Do të shohim ndryshime?

Duke qenë në edicionin e nëntë nuk mund të themi që pa kaluar i dhjeti do të ketë ndryshime strukturash sepse është ende herët, megjithatë mund të them, që ky vit e gjen “Këngën Magjike” të konsoliduar vërtet me të gjitha vlerat e saj, artistikisht dhe nga ana e strukturës. Kështu, që si strukturë do të jetë e njëjta, pra do të kemi një fazë të parë: “Duke pritur kënga magjike 2007”, dy netët gjysmëfinale dhe natën finale.Ky është i treti vit, që përdoret kjo strukturë ndaj them që është një vit i konsoliduar, pasi festivali kaluar 8 vjet. Kjo është ndoshta edhe arsyeja që i ka shtyrë këngëtarët në masë të madhe në garën për të paraqitur këngët e tyre.
Prurjet këtë vit ishin gati sa dyfishi i atyre të vitit të kaluar. Nëse në vitin e kaluar ne zgjodhëm 55 këngë të cilat meritonin që të hynin në fazën e parë, këtë vit nukmund të pranonim më shumë se 54. Megjithatë pa frikë mund të them se 70 këngë meritonin të futeshin në festival, por me sistemin e pikëve që vlerësoi komisioni u përcaktuan 54 më të mirat.

Deri ku janë momentalisht përgatitjet për “Kënga Magjike”?

Tashmë ne jemi drejt përfundimit të përgatitjeve të xhirimit të fazës së parë. Në datat 3, 4 dhe 5 tetor në ambientet e “Tropikal” në Durrës do të realizohen xhirimet e fazës së parë, e cila këtë vit është konceptuar ndryshe. Formati “Duke pritur kënga magjike” nuk do të jetë ai i vitit të kaluar. Nëse në vitin e kaluar këngët seleksionoheshin dita-ditës drejt fazës
finale, këtë vit do t’iu japim mundësinë të gjitha këngëve
të dëgjohen për 3 javë rresht. Sapo të përfundojë prezantimi i këngëve, të nesërmen do të shpallen gjysmefinalistët në bazë të votimeve me numrat AMC. Këngët do të fillojnë në transmetohen në televizionin Klan, që nga data 22 tetor, çdo ditë nga e hëna deri
të premten në orën 23:30.

Është vetëm publiku që vendos për ato këngë që do të kalojnë në gjysmëfinale?

Vendos publiku, por merret edhe vendimi i komisionit të ngritur, i cili së bashku me pikët e AMC çon këngëtarët në gjysmëfinale.
Më tej votimin e marrin në dorë vetë këngëtarët që votojnë për njëri-tjetrin, duke dërguar kolegët drejt finales ku do të marrin pjesë 17-18 këngë.

Cilat janë tendencat me rrymat këtë vit?

Mua më kënaq fakti, që në festivalin “Kënga Magjike” gjithmonë shihen tendencat e rrymave avangardiste.  Nëse “Kënga Magjike” zhvillohet në vitin 2007 aty pasqyrohen rrymat më popullore dhe më të përdorura gjatë këtij viti. Këtë vit në ndryshimnga vitet e kaluara ka një prurje të rrymave të muzikës alternative, të muzikës pop-rrok, të baladave të tipit rrok dhe vetë këngëtarët big, që rikthehen në skenë vijnë tepër në kohë.

Cili është raporti i këngëtarëve big me ata tërinj në këtë edicion?

Do i ndaja në tre shtresa. Janë këngëtarët big të cilët tashmë njihen, janë këngëtarët e rinj big të cilët njihen, pëlqehen nga rinia dhe kanë fansat e tyre si dhe këngëtarët e rinj të cilët nuk kanë marrë pjesë më parë, ose kanë marrë pjesë në një apo dy festivale. Unë nuk do të doja t’i ndaja në logjikën e Festivalit të San Remos që ndan këngëtarët big nga ata të rinj, burrat nga gratë, etj., pasi ata që futen në këtë festivalmendojnë që janë të denjë dhe të barabartë me të mëdhenjtë. Më tepër kjo është për
të inkurajuar të rinjtë, por edhe këngëtarët e mëdhenj që zbresin në moshë dhe cilësi te të rinjtë.

Ç’mund të na thoni për spektaklin e mbrëmjes finale?

Është ende herët që të flasim, pasi tri netët finale janë në datat 23, 24 dhe 25 nëntor. Vetë zhvillimi i festivalit të imponon kërkesat dhe mënyrat se ti do të dalësh në tri netët në Pallatin e Kongreseve.

Përsëri vetëm do të drejtosh?

Ende nuk e kam vendosur, por eksperienca ka treguar që vetëm jam më komod, për vetë kohën e ngjeshur që ka përgatitja e festivalit dhe dedikimi që duhet të kesh ndaj partneres. Për më tepër, që sa herë që e kam prezantuar me partnere festivalin atë nuk e kam konsideruar një shtojcë, por një partnere të barabartë, madje duke i thënë mundësinë që ajo të dali më shumë në pah. Por koha është shumë e ngjeshur dhe nuk mendoj se do t’i dedikohem prezantimit më tepër se sa do t’i dedikohem cilësisë artistike të këngëve.


" Panorama "

Dueti i Sonit me Florin besoj se do jete kenge fantastike,se kam iden e kenges po cdo kenge e Florit del shume e bukur,shpresojm dhe te Elvana te nxjerri ndonje nje hit te bukur.

Gezohem kur shof emra te forte te muzikes shqiptare, si Aurela, Anjeza, Eneida, Soni, Gili... dhe eshte fakt se gjithmone dalin hite moderne nga ky festival por ne te njejten kohen ndihem shume keq per keta artista. Nuk i  kuptoj se si ata mund te konsumohen si kukulla para publikut, duke pare se Kenga Magjike is 'playback'

Gjithashtu i bashkohem ketij mendimi.

Ndersa per ate Florin, personalisht nuk e pelqej fare si kengetar.

shum kengetar te medhenjt sivjet mezi pres ti degjoj kenget e tyre.

JEHONA SOPI

E tradhëtuar nga shoqja e ngushtë, që do të martohet me të dashurin e saj. Ky nuk është fati i Jehona Sopit, por teksti i këngës, me të cilin ajo është pjesëmarrëse në festivalin “Kënga magjike”. Një këngë tepër e spikatur dhe e performuar me shumë profesionalizëm nga bukuroshja kosovare. Këngëtarja e cila tashmë është afirmuar në ekranin muzikor shqiptar vjen për të parën edhe në një eveniment shumë prestigjoz, siç është festivali “Kënga magjike”, duke qenë në këtë mënyrë edhe më pranë publikut shqiptar. E njohur gjithmonë për pamjen e saj tepër të veçantë dhe mënyrën origjinale të prezantimit në skenë edhe këtë radhë Jehona nuk ka dalë jashtë stilit të saj. Flokët bjondë, këtë radhë të krehur dhe jo kaçurrelë, (siç e kemi parë tek klipi i këngës “Përvjetori”) i jepnin një pamje krejt ndryshe, që në momentin e parë nuk të bënte të besoje, se vajza që kishe përpara ishte vërtet Jehona.

Studente në degën e psikologjisë në Universitetin “Dardania” në Prishtinë, këngëtarja kosovare e ka parë festivalin “Kënga magjike”, jo vetëm si një event prestigjoz dhe skenë profesionistësh, por edhe si një aktivitet në të cilin ajo do të ketë mundësinë të jetë më parë publikut shqiptar, që duhet thënë se e pëlqen dhe e vlerëson po aq sa edhe publiku kosovar. Është kjo arsyeja, që e bëri Jehonën të vendoste për të marrë pjesë në festival.


AURELA GACE

Me një pamje tepër të veçantë dhe ndryshe nga hera e fundit, që ajo ka qenë në Shqipëri duket se në karakterin e Aurelës nuk ka ndryshuar asgjë. Është po ajo vajza çapkëne dhe alegro,
që ndonëse e kupton fare mirë vëmendjen e kolegëve dhe të mediave mbi rikthimin e saj, impresionohet realisht vetëm nga pritja e publikut shqiptar dhe nga emocionet e daljes në skenë. Emri i saj mes këngëtarëve profesionistë në festivalin “Kënga Magjike 2007” i bëri të gjithë të mendojnë se do të përballen me një konkurrente të fortë, me një zë të spikatur, që nuk mund të hyjë në festival, pa pretenduar të marrë një çmim.

Por duket se synimi i Aurelës është larg këtij mendimi. “Unë nuk e kam ndjerë mungesën e çmimeve - shprehet ajo. Jam vlerësuar nga publiku dhe nga juritë dhe nuk kam mangësi në këtë drejtim. Arsyeja e vërtetë, që më bëri të jem në këtë festival përveç prestigjit dhe emrit të tij ishte dëshira për të ndjerë edhe një herë emocionet dhe momentet e përgatitjeve për të dalë në skenë. Për të shijuar edhenjë herë duartrokitjet dhe kënaqësinë që të fal skena. Sa për çmimin ai është pjesë e garës, por nuk duhet të kthehet në qëllim në vetvete”, tregon duke qeshur. Edhe pse eventet muzikore nuk i kanë munguar në Shtetet e Bashkuara të Amerikës, Aurela Gaçe duket më shumë se e sinqertë kur tregon se këngëtarët shqiptarë atje duhet të këndojnë vetëm për shqiptarët dhe nuk mund të pushtojnë dot skena të mëdha ashtu si mund të pretendojnë.


GILI

Sërish e shoqëruar nga bashkëpunëtori dhe bashkëshorti i saj Iliri, në këtë rikthim në skenën shqiptare. Prej vitesh dukej se Gili kishte hequr dorë nga festivalet në Shqipëri dhe ja ku e shohim tek “Kënga magjike”. Me një pamje që vërtet të befason, ajo gjithmonë e më tepër krijon imazhin e femrës, për të cilën vitet duket se nuk ecin.

Ç’mund të na thuash për këngën me të cilën po prezantohesh në “Kënga magjike”?

Gjithmonë përpiqem të sjell diçka të veçantë gjatë pjesëmarrjeve të mia në festivale dhe besoj se edhe këtëradhë ia kam arritur qëllimit. Si gjithmonë me ndihmën e Ilirit, që është autor i këngës dhe i vargjeve.


LEONORA JAKUPI

Si gjithmonë e bukur dhe me një vështrim të ëmbël, edhe këtë radhë prania e Leonora Jakupit nuk mund të ketë kaluar pa tërhequr vëmendje. Ndërsa është prezantuar në skenën e xhirimeve
“Duke pritur kënga magjike”, në ambientet kompleksit “Tropikal” pasi ka përfunduar këngën e saj, ajo është përshëndetur me disa
nga koleget shqiptare, përpara se të nisej drejt kryeqytetit,
e me pas për t'u rikthyer në Prishtinë. Pranon se i ka munguar
skenës shqiptare për një kohë të gjatë, ndonëse ka qenë pjesë e ekraneve muzikore me këngë dhe klipe të reja.

Me çfarë je duke u marrë momentalisht?

Për momentin kam realizuar këtë këngë, me të cilën do të marr pjesë në festivalin “Kënga magjike”. Njëkohësisht edhe për një këngë të re, të cilës do t’i bëj edhe një videoklip. Vazhdojnë edhe angazhimet e mia në koncerte apo mbrëmje rinore.

Kush janë bashkëpunëtorët e tu në këtë event?
Eshtë Darko Dimitrov dhe Asim Bonjaku.

Cila është arsyeja, që këtë vit vendose të jesh te festivali “Kënga magjike”?
E dua shumë publikun shqiptar dhe e ndiej se i kisha munguar prej një kohe të gjatë, ndaj nëse edhe këtë herë do të mungoja nuk do të ishte mirë. Ky është një festival që sjell gjithmonë të reja dhe gjëra sensacionale.

Mendon që mund të jesh fituese?
Kam parë emra këngëtarësh shumë të njohur të skenës shqiptare. Këngët që kam dëgjuar më pëlqyen shumë dhe them që do të jetë një garë dinjitoze dhe e fortë, ndaj nuk mund të flasim për çmim, është ende herët(qesh).


Shkeputur nga Panorama Plus

sivjet kenget kot ishin

gjith keto kengetar te medhenj
si flori me sonin, apo aurela gace etj. per mendimin tim kenget ishin kot se di se kush e fitoj.

Eshte shume veshtire ti jepesh gjykime per ndonje kenge kur degjon vetem 30sec. Edhe vitin e kaluar kisha kete mendim. Mendova se veretete kenget ishin kot. Por ne fund, ne skene me pelqyen shume kenge.
Edhe kete vit mendova keshtu per here te pare kur i degjova kenget. Pasi i degjova disa here, Anjeza (dicka e re ne stilin rock), Alberie (dicka engergjike, kfalitative,..) me mbeten ne vesh me shume se te tjerat. Te tjerat nuk duken dicka speciale. Leonora, Gili, ... kane kengete e mira, por perngjajne shume me e ato kenget e tyre..