Siç kemi lexuar dhe dëgjuar feja Islame na këshillon të jemi gjithmonë midis frikës e shpresës, për këtë flet  Kur’ani (fjala e All-llahut xh.sh) dhe Hadithi (tradita profetike). All-llahu xh.sh në Kur’an thotë: “Thuaj: "O robërit e Mi, të cilët e keni ngarkuar me shumë gabime veten tuaj, mos e humbni shpresën ndaj mëshirës së All-llahut, pse All-llahu i falë të gjitha mëkatet, Ai është që shumë falë dhe është mëshirues!" (Zumer/53).

Përsëri All-llahu xh.sh në Kur’an thotë: “I heqen trupat e tyre prej dyshekëve, duke e lutur Zotin e tyre nga frika dhe nga shpresa dhe nga ajo që Ne u kemi dhënë (pasuria) atyre, ata japin”. (Sexhde/16)

Pejgamberi a.s thotë: “ Po ta dinin besimtarët sasinë (madhësinë) e dënimit të All-llahut xh.sh asnjëri prej tyre nuk do ta shpresonte xhennetin. Jo besimtarët (qafirat) po ta dinin madhësinë ose gjërësinë e mëshirës së All-llahut xh.sh asnjëri prej tyre nuk do e humbiste shpresen prej mëshirës së Tij”. (Muslimi, Tevbe/23) 

Duke lexuar këto vërsete dhe këtë hadith e shumë të tjerë sikur këto shohim se dhe dijetarët duke dalur nga këto kanë thënë: “ Njeriu gjithmonë duhet të jetojë midis shpresës e frikës, kur është shëndosh duhet ti mbaj të dyja njësoj e kur është i sëmurë nuk duhet ta humbasë shpresën pra duhet që anën e shpresës ta forcojë më tepër se e ka”. (Rijadus-Salihin, I/479)

Frika gjithmonë është diçka që ekziston për në të ardhmen, njeriu o frikësohet se mos i ndodhë diçka në të ardhmen ose frkësohet se mos në të ardhmen nuk do arrij ta marrë diçka që ka dëshirë shumë për ta marrë, ose frikësohet se mos në të ardhmen do humbasë diçka që në atë moment e ka. Njeriu gjithmonë bën plane për të ardhmen prandaj dhe frika ekziston bashkë me të ardhmen.

Njeriu nga All-llahu xh.sh duhet të ketë  frikë se mos e dënon në këtë botë dhe në botën tjetër.

Ndërsa shpresa është ajo që gjithmonë zemra e ndjenë osë do që ta ndjejë në atë mënyrë sepse ashtu ka dëshirë, dhe kjo është për të ardhmen.

Ska gjë më mirë se të jetojmë midis këtyre dy gjërave sepse nëse jetojmë në këtë mënyrë atëherë mund të shpëtojmë si në këtë botë ashtu dhe në botën tjetër.