2 mije shqiptare deri tani do te shijojne live koncertin e mbretereshes se popit Madona, ne Budva. Te dhenat jane bere publike vetem dy jave larg dates 25 shtator edhe per mediat shqiptare nga vete organizatoret malazez te koncertit. Eventi eshte konsideruar si nje nga ngjarjet me te rendesishme te rajonit, pasi ky eshte koncerti i vetem qe Madona po organizon ne Evropen Lindore. Sipas organizatoreve te Tiranes, per grupin e shqiptareve qe do te shkojne ne koncert biletat e thjeshta kushtojne 39.6 euro. Ndersa paketa e plote, e cila perveç biletes perfshin udhetimin dhe akomodimin kushton 120 euro. Plot 66 mije eshte numri i biletave te shitura nga komuna Jaz ne Budva per koncertin e 25 shtatorit. Ylli i popit pritet te ngjitet ne skene rreth ores 20.00, ku do te paraprihet nga kengetarja suedeze Robin. Ajo do te performoje per rreth 2 ore, kenge nga albumi i saj I fundit "Hard Candy", ne kuader te turit boteror "Sticky end Sweet". Mesohet se kameleoni 50-vjeçar i muzikes pop, nuk do te jape konference per shtyp ne Budva. Ajo ka prenotuar per tre dite ne nje nga hotelet me lukzose te qytetit turistik. Mbreteresha do te sjelle dy dite para koncertit edhe kuzhinierin e saj personal, si dhe ka porositur 300 peshqire e 300 sapune per stafin qe do ta shoqeroje.





VizionPlus.Tv