oooo shkelqo me i miri je o yll bote ti je me i miri kush kundershton mos e shofe iq bigbrothen albani se ai eshten me i miri

hej edhe visi eshte cool.me duken te tjeret jan pak a shume si lojtare figurant
 

njeriu qe me acaron eshte olsi. me
duket i skaduar

Najada dhe Olsi: Banorët e tjerë janë xhelozë për ne

Për herë të parë, Najada me Olsin kanë nisur të shprehen për banorët e tjerë, teksa ndodhen në intimitet si zakonisht. Çimi
dhe Romina kanë pasur një fërkim me njëri-tjetrin, pasi kjo e dyta i tërheq vëmendjen që të mos e ngrejë shumë zërin. Ndërkohë, mes banorëve është diskutuar dhe për tragjedinë, ndonëse nuk kanë informacione të plota për atë që ka ndodhur 500 metra larg tyre në vijë ajrore.

Banorët e shtëpisë, të cilët dinë shumë pak rreth ngjarjes tragjike në Gërdec, kërkojnë të solidarizohen me dhimbjen për viktimat e tragjedisë. Ata propozojnë një minutë heshtje për tragjedinë, por ndërkohë nuk e dinë nëse kjo është gjëja e duhur, sepse nuk kanë informacion mbi përmasat e kësaj tragjedie. E mbrëmshmja ka qenë një nga netët më aktive të banorëve; karakteristike për këtë janë debatet e forta mes banorëve. Ish-çiftet sidomos janë duke përjetuar konflikte: Nada me Nardin shpërthejnë në një zënie, që ka si pikënisje cigaret, por ka të bëjë më shumë me mospëlqimin nga ana e Nadës ndaj Nardit. Nga ana tjetër, edhe ai vazhdon të jetë i bezdisshëm për Najadën, duke kërkuar të jetë në qendër të vëmendjes. Romina praktikisht është në gojën e të gjithëve. Ajo vihet në lojë nga çunat lidhur me pamjen dhe karakterin e saj. Çimi i thotë se nëse nga pamja është si femër, nga karakteri është si mashkull. E çuditshme sesi Romina nuk arrin të thotë asgjë lehtësuese për situatën e saj! Nuk kuptohet nga reagimi i saj nëse ndihet mirë apo ndihet keq. Olsi me Najadën bisedojnë. Ata s’po kuptojnë nëse mes tyre ka diçka të vërtetë apo gjithçka është pjesë e lojës. Ata vetë janë të paqartë, po  duket se pëlqehen. Olsi nuk ia ndan sytë Najadës, ndërsa flasin. Ata të dy flasin për përshtypjen që është krijuar te banorët lidhur me faktin që Najada me Olsin flenë bashkë. Kjo është hera e parë që Najada me Olsin flasin për banorët e tjerë në këtë mënyrë. Atyre nuk u vjen mirë që banorët e tjerë janë xhelozë (sipas Najadës) dhe thashethemexhinj (sipas Olsit). Ata analizojnë reagimet e Rominës, Junës, Polit, Inës, Besës dhe situatat, duke dalë në përfundime se si janë ndërtuar marrëdhëniet mes banorëve dhe përse ata kanë filluar të shihen me xhelozi nga të tjerët. Biseda e tyre është gjithsesi e këndshme dhe plot humor. Ata vendosin të pyesin të tjerët në sy nëse lidhja e tyre i bezdis. Në tavolinë me Çimin, Romin, Visin, Polin dhe Inën, Olsi dhe Najada e hapin këtë bisedë. Çimi thotë se ka vënë re që Romina është xheloze sa herë Olsi fle me Najadën. Romina i thotë se nuk e ka problem, se nuk ka asnjë arsye. Ervisi gjithashtu i thotë se përshtypja e tij është e njëjtë me Çimin. Pjesa tjetër e banorëve është krejtësisht jashtë kësaj bisede. Juna është bërë më e interesuar ndaj mendimit të Astritit dhe të tjerëve. Asaj nuk i vjen keq t’i shpjegojë Astritit sjelljet e saj, pasi ai e akuzon se nuk është treguar e sinqertë. Astriti nuk e mund dot Junën në argumente. Juna, në një mjedis të zhurmshëm nga të qeshurat, u tregon të gjithëve akuzat e Titit. Të gjithë qeshin me Astritin. Ata mblidhen në dhomë, ndërsa ai është i shtrirë për të fjetur dhe i tërheqin batanijen që ai të dalë me mbathje. Astriti kësaj radhe trembet me të vërtetë. Gjatë natës, ndërsa janë
mbledhur të gjithë në dhomë, Juna me Astritin vazhdojnë pyetje-përgjigjet si lojë për t’u njohur. Ina, që vdes për thashetheme, i tregon Besës dhe Julit për diskutimin mbi Rominën. Ajo flet për më shumë se 1 orë vetëm për këtë bisedë, ndërsa të tjerët as nuk e vënë në dyshim se kjo ndoshta nuk është mënyra më e mirë për të kaluar kohën. Kur Visi i bashkohet grupit, situata bëhet akoma më e rëndë. Olsi me Leonardin flasin për Inën. Olsi i thotë se Inës i pëlqen të afrohet dhe të preket, por nuk ia mban (shton Leonardi). Olsi thotë se ai nuk e sheh Inën fare me atë sy, madje nuk e duron dot. Fakti që ai është përqafuar me Inën, për Olsin nuk do të thotë asgjë, se ajo nuk e tërheq fare. Olsi gjithashtu bën një batutë për Polin, e quan atë “Poliana”. Kurse për Junën, Nardi thotë se “ajo është gocë shumë e mirë”. Kur shtrihen për të fjetur, Olsi shtrihet në krah të Junës, e cila po fle në shesh bashkë me Besën. Najada, që ka fjetur vetëm natën, zgjohet e para në mëngjes. Ajo zgjohet e uritur. Shkëlqimi, si çdo mëngjes këtë javë, ushqen pulat dhe pastaj ha edhe vetë. Olsi dhe Juna janë shtrirë pas njëri-tjetrit dhe ngacmojnë Polin e Inën, që janë shtrirë gjithashtu afër tyre. Të dy çiftet flasin mes tyre. Ina dhe Poli janë kthyer nga njëri-tjetri, kurse Juna i ka kthyer kurrizin Olsit. Pas pak kohësh, vjen Çimi në dhomën jeshile për t’u dhënë të tjerëve bateritë. Ai çuditet kur e gjen Olsin aty dhe i thotë se Najada po e kërkonte në mëngjes. Ata nisin dhe flasin përsëri për Rominën. Olsi shkon te dhoma blu, ku Najada është kthyer të flejë gjumë dhe tenton ta marrë me të mirë, duke i thënë se “e kishte zënë gjumi të bideja”. Najada as nuk i përgjigjet, por e shtyn dhe ai ikën me Shkëlqimin. Çimi flet me pasion për mundësitë e Shqipërisë për të bërë tregti me anë të bujqësisë. Ai thotë se dikur Shqipëria eksportonte prodhimet që bëheshin këtu, kurse tani vetëm blen nga shtetet e tjera. Këtë bisedë ai e bën me Arbrin, duke i treguar prej eksperiencës së vet nga vitet e para ’90-ës. Ata të dy ngecin në një pikë, të cilën nuk e shpjegojnë dot: si ka mundësi që gjithçka u shkatërrua pas viteve ‘90? Çimi merr rolin e historianit, duke treguar për tregtinë e jashtme të Shqipërisë komuniste. Ai thotë se në atë kohë njerëzit punonin shumë, në krahasim me sot. Arbri thotë se në Shqipëri njerëzit nuk kanë vullnet për të rregulluar situatën ekonomike dhe sociale. Ata ia vënë fajin administratës shtetërore, e cila është e paorganizuar. Është Çimi, Najada dhe Romina që ngrenë zërin në disa debate që lindin si pasojë e konflikteve të mëparshme. Në momentin që Çimi është duke i folur Najadës me ton të lartë, sepse ajo u ngrit shumë vonë, Romina afrohet dhe i thotë atij “të mos bëhet i lodhshëm”. Ajo shton se “s’ka pse të dëgjohet vetëm zëri i tij në shtëpi”. Najada në këtë situatë nis e qesh dhe del e palagur vetë, pasi konflikti transferohet mes Çimit dhe Romit. Çimi, nga ana tjetër, duket shumë i çuditur me reagimin e Rominës.

“Dashuri dhe tradheti”

Olsi luan me ndjenjat e Ines dhe Romines. Kjo sigurisht eshte pjesa teatrale qe ka zgjedhur grupi i tij, brenda temes “dashuri dhe tradheti”. Romina eshte e dashuruar verberisht pas Olsit, ndersa ai tallet me ndjenjen e saj. Ina eshte femra tjeter, e shfrytezuar nga Olsi, ndersa Visi ka rolin e sheruesit te zemres. Visi dhe Olsi jane shoke ne skenar, por edhe mes tyre ka tradheti. Romina e zhgenjyer nga Olsi, i cili e ka tradhetuar me Inen, gjen prehje tek Visi. Ky i fundit tradheton shoqerine me Olsin dhe e ben Rominen te bjere ne krahet e tij.

Fillojne kinoprovat

Renia e gongut sinjalizon fillimin e aktrimit te tre grupeve. Per grupin e trete fillom Nocja, e cila perqafohet me Arbrin, te dashurin e saj nga fshati, nderkohe te tjeret qeshin me rolin e Junes, ate te vjehrres fanatike. Juna ne rolin e vjehrres nga fshati duhet t`ia beje jeten te veshtire Najades, e cila eshte nusja nga qyteti. Te tjeret komentojne perplasjet qe ka sjelle ky aktrim, ku nje tjeter pjese interesante eshte roli i Astritit dhe Junes, si dy bashkeshorte nga fshati.

Puthje skenike

Noce puth Arbrin gjate proves per skenen teatrale dhe ai mbetet i shtangur. Ata nuk kane mundur te shohin as rolin e revoltuar te Titit per puthjen mes tyre. Nocja duhet te kishte ndjekur Titin nga pas, por puthja me Arbrin, nuk i ka lene kohe.

Najada thot kam te dashur, e spo len cun pa puthur atje, sidomos me Olsin qe dhe ai perfiton nga ato e tallet me te gjitha gocat aty, kurse Juna nje Burrelse e mban veten per Tironse, shume mendjemadhe eshte, kushedi se si i duket vetja.

Banorët flasin për seksin
Rrëfimet e banorëve në shtëpinë e "Big Brother" kanë nisur të jenë më të lirë. Najada ka treguar se natyra e saj është tepër e lirshme. Ajo ka treguar konkretisht se ka pasur edhe histori flesh me meshkuj që i ka takuar në një pub dhe në mëngjes nuk i ka njohur më. Histori të tilla, tregon ajo, kanë qenë më të shpeshta gjatë periudhës kur ka jetuar në Itali. Nada tregon për një flirt që ka pasur me një të huaj në Itali. Ndihen paragjykimet brenda dhe Çimi është i pari që i shfaq. Ai e pyet se deri kur do të vazhdojë me këtë sjellje, por ajo nuk di t‘i japë përgjigje.

Nardi me Rominën dalin për një cigare pas bisedës mbi seksin. Romina i thotë Nardin se është shumë e çuditur nga mohimi i Besës se ajo "nuk eksitohet". Pas insistimit të Rominës, Besa pranon se ndjen kur puthet me të dashurin, por e kontrollon veten jashtëzakonisht. Kurse Romina mendon se Besa ka frikë të shprehet dhe se ajo po kërkonte t‘i hiqte frikën duke folur aq hapur. Nga ana tjetër shqetësohet për përshtypjen që mund të jetë krijuar për të kur ka thënë se "femrat eksitohen nga meshkujt me të njëjtin intensitet siç eksitohen meshkujt nga femrat". Nardi bën batutën për Besën, që ajo është tamam një "cucë malsie".

Nuk është problem për Rominën të thotë bruto atë që mendon. Kjo është arsyeja mesa duket që ajo i vë të tjerët në siklet. Duke folur me Besën, Arbrin dhe Nardin mbi marrëdhëniet mashkull-femër, ajo thotë se fermat eksitohen njëlloj si meshkujt. Ato kanë gjithashtu të njëjtin impuls seksual që i bën të interesohen për meshkujt. Besa turpërohet nga kjo që thotë Romina, ndërsa çunat qeshin me të madhe. Romina nuk i beson dot reagimit të Besës së ndrojtur, duke shpjeguar se nuk ka asgjë të keqe të thuash se një femër është njëlloj me një mashkull në seks. Ajo mendon se seksi dhe dashuria ecin bashkë, por janë gjëra shumë të ndryshme. Arbri e pyet nëse ajo do bënte seks me një person pa dashuri. Ajo përgjigjet që kjo është pjesë e situatës. Pyetjet e çunave lidhen me fantazitë e saj seksuale dhe ajo tregon një nga gjërat që ka fantazuar. Ajo flet për stile që i pëlqejnë.

Edhe mes Olsit, Junës, Polit e Inës bëhen thashetheme për Rominën dhe fizikun e saj. Ata gjenden në banjë, ndërsa Olsi prej me shumë se një ore po i pret flokët Polit.

Ndërkohë, Najada është duke bërë një diskutim të gjatë për shoqërinë. Ajo thotë se shoqëria e saj më e mirë është ajo jashtë-shkollore. Ata janë njerëz më të mëdhenj se Najada në moshë dhe kjo është një nga arsyet pse ajo i ka zgjedhur si miq. Ajo thotë gjithashtu se me shoqërinë e saj bën vetëm biseda që kanë të bëjnë me jetën e tyre, jo me politikën, për shembull sepse këtu debati për politikën është tepër i papëlqyeshëm. Najada mendon se tavolina shoqërore ka rregulla që duhen respektuar dhe përshtatja është një nga vetitë themelore për ta ruajtur atë.


Ndërkohë, Nardi, Besarta dhe Arbri janë duke diskutuar për dashurinë. Besa thotë se nuk ka rënë asnjëherë në dashuri, por ajo vlerëson moshën (nuk duhet të jetë i vjetër) dhe ndjenjën që arrin të ndash në një puthje. Leonardi vazhdon ta ngacmojë me pyetje Besën, madje nis e bën shaka sikur Besa ka rënë në dashuri me të. Arbri ia këput me të qeshur.

Ata vazhdojnë të pyesin, por ajo përgjigjet se për dashurinë nuk di shumë gjëra. Por gjuha shkon ku dhemb dhëmbi, ndaj Nardi hap muhabetin për veten e vet. Besa i thotë se "të simpatizoj për person, por aq". I thotë gjithashtu se "ne jemi duke ndenjur shumë mirë me njëri-tjetrin, s‘ka nevojë për biseda të komplikuara".

Romina i shtohet grupit dhe e pyet Besën nëse ka propozuar ndonjë djalë. Ajo i përgjigjet: "Jo". Romina thotë që ajo e ka bërë.

Banorët gjatë kësaj kohe bisedojnë për gjëra rastësore. Ata flasin për muzikën shqiptare dhe ëndrrat që kanë parë me ndonjë të famshëm. Ata tregojnë për lokalet dhe vendet ku rrinin përpara se të hynin në shtëpinë e B.B.

Kur ndahen nëpër grupe të vogla, ata nisin nga thashethemet. Sigurisht që argumenti është Romina. Mes Çimit, Najadës dhe Visit flitet se Romina është xheloze dhe ziliqare. Ata vazhdojnë të flasin për "simpatinë" e Rominës ndaj Olsit dhe për faktin që Olsi e shpërfill. Julinda është prezente në pjesën e dytë të bisedës, por nuk flet asnjë fjalë, deri kur Najada bën komentin për thënien e Rominës se "Olsi është tipi im". Juli e korrigjon Najadën duke thënë se Romina është shprehur që "Olsi me Rominën janë të ngjashëm". Najada vazhdon me komentet dhe përshtypjet e saj. Julinda nuk flet më, deri kur kujtohet për lojën e djeshme dhe përgjigjen mbi ndryshimin e saj me të tjerët gjatë ditëve të kaluara brenda shtëpisë. Aty ajo nis e shprehet se Romina është posesive dhe ka maninë të japë urdhra. Ajo thotë se Romina flet me të tjerët në mënyrë urdhërore.

Arbri, Nardi, Romi janë duke folur për jetët e ndryshme të një djali dhe një vajze. Romina tregon se nuk ka pasur probleme për mënyrën se si ka zgjedhur ta jetojë jetën. Ajo bën krahasimin me të vëllain, duke thënë se ajo ka ecur në një hap me të vëllain, madje ata paguhen pothuajse njëlloj. Ajo thotë se tani që ka nisur punë është e pavarur nga familja dhe nëse nuk do hynte në B.B., do të shkonte për pushime në Mal të Zi. Romina flet për veten me Arbrin dhe Nardin me shumë siguri në ato që thotë. Ajo nuk e di që ndërkohë banorët e tjerë kanë filluar ta shohin shtrembër.

Astriti shkon në oborr dhe gjen vetëm Visin. Ata nisin të flasin për Rominën, Nardin dhe Junën. Ata mendojnë se Romina e ka ndryshuar shumë sjelljen, ashtu si edhe Juna. Për Nardin nuk zgjaten shumë, pasi Romina është bërë thashethemi më interesant i kohëve të fundit. Ndërkohë, Ina po mbaron mëngjesin me Arbrin dhe Polin. Ajo i thotë Polit se ai nuk e kuptoi përsëri pse ajo ishte mërzitur dje. Ai i flet me pak ironi, duke i thënë se "ndër 100 arsye, s‘e gjeta dot përse-në". Pas pak ata lirojnë tavolinën për pjesën tjetër që do ushqehet.

Ndërsa Juna është çuar e para nga krevati që ndante me Olsin, të tjerët në dhomën e gjelbër janë drejtuar për te tualeti. Poli tenton të zgjojë Inën meqë tashme të gjithë janë zgjuar. Juli dhe Juna janë të parat që hanë mëngjes bashkë me Shkëlqimin.

Astriti gjendet ende me Olsin dhe Najadën në dhomën blu: ata të dy të përqafuar në shtrat, ndërsa Astriti që rregullon krevatet dhe rregullohet edhe vetë. Najada me Olsin fillojnë të flasin lidhur me faktin që Olsi përfundon përherë tek ajo në krevat, ndërsa Astriti "i përgjon" duke u sjellë me indiferencë. Çifti ndihet pak në siklet nga prezenca e Astritit, ndaj mbulohen me jorgan ndërsa hipin sipër njëri-tjetrit.

Olsi, që mbrëmë kishte fjetur pranë Junës, në mëngjes shtrihet sërish te Najada. Fillimisht ajo nuk e ndjen Olsin, por pak më pas nisin përkëdheljet te flokët dhe ajo zgjohet. Ata afrohen shumë pranë njëri-tjetrit dhe nisin një bisedë intime me fjalë e prekje. Ledhatimet e tyre shkaktojnë kënaqësi, deri kur "s‘mban më ujë pilafi" dhe ata çohen nga krevati.

Gazeta Shqip

Loja vazhdon

Cimi po pergatit mengjesin, bashke me Titin. Te tjeret po behen gati. Cimi i thote Romines, qe vezen qe do te haje per mengjes, le ta beje vete. Ai eshte i acaruar me Rominen.

Ne dhomen e gjelber: Ina, Juna Olsi, Visi dhe Poli flasin per sikletin e ROmines nga loja e Olsit. Ajo shton se kjo nuk eshte gje e kendshme.

Arbri, qe ka fjetur me Najaden, ndersa ha mengjes per vete, pyet Najaden se cfare do per mengjes. Ai i thote qe do ia pergatisi Najades mengjesin.

Olsi i shprehet Junes se eshte i merzitur sepse s'po arrin t'i kontrolloje ndjenjat. Ina e pyet nese kjo eshte shaka, por ai i thote se e ka seriozisht. Juna ia pret pa pertese "ik ore ti dhe futja vrapit".

Najada me Rominen jane jashte, duke pire cigare. Najada vazhdon me lojen e vet per Arbrin. Romina ka qene ne dhomen e rrefimit ne mengjes. Ajo i thote Najades se "nuk e ka idene se cfare po ndodh". Ajo e pyet Najaden me teper mbi Olsin. Najada mbron variantin se Olsi e ka qejf dhe se kjo eshte konfirmuar nga njerezit qe Olsi ka me afer.
Romina i thote Najades se dje u merzit nga fjalet e teperta te banoreve lidhur me kete bisede. Visi, sipas ROmines, eshte nje nga personat qe ka insistuar me shume qe ajo "ta pranoje Olsin".
Najada vazhdon dhe shprehet mbi Olsin. Ajo nis e i tregon Romines se marredheniet e Olsit me tre vajzat (Nada, Juna, Romina) eshte strategji e tij. Najada i thote se e vetmja menyre per Olsin qe te rrije brenda shtepise eshte te gjuaje femrat aty brenda. Najada gjithashtu mendon se brenda shtepise 'nuk ke me cfare te merresh' ndaj e vetmja menyre per te harxhuar kohen eshte te luash me njerezit.
Ne kete pike, Najada e shtyn te mendoje Rominen se kjo "mund te jete nje loje e Olsit", por Romina nuk e kupton se pse eshte bere ajo objekt i kesaj loje.

Lajmerohet mengjesi.

Ne tavoline jane Najada, Juli, Arbri dhe Olsi. Juli e tall Olsin qe ben si djale i dashuruar. Ata komentojne reagimet e Romines. Najada thote se ka ROmi ka kaluar gjithe naten pa gjume. Olsi thote se 'idete nuk i ka te keqia' vetem se i vjen per te qeshur me Romin. Julinda i thote qe dje eshte tepruar me shakate. Najada i tregon sesi ka vepruar per te mashtruar Rominen. Juli i thote se Romina eshte gjynah, por Najada i pergjigjet 'gjynah jam vete'. Juli i thote Arbrit vec, qe i vjen shume keq per Rominen. Arbri thote se Romina e 'ka ngrene'. Ai ben shaka me faktin qe Najada kerkoi te mashtronte edhe ate. "Do kisha qene edhe une si ROmi"- thote Arbri.

Njekohesisht ne oborr:

Cunat jane mbledhur ne oborr. Olsi, Visi, Cimi, Nardi perfshihen ne vazhdimin e lojes mashtruese ndaj ROmines. Astriti rri e shikon pa nderhyre. Olsi dhe Ervisi tallen. Shkelqimi thote se kush tregon per lojen do te denohet. Ai thote se ka pergatitur fjalimin qe do i beje Romines kur t'i thote se gjithcka ka qene nje tallje. Olsi thote se do ia tregoje ai. Visi thote se "si eshte e mundur qe Romina nuk ka kuptuar kundervenien e te gjitheve ndaj saj".

TOP-CHANNEL

I ke shpreh edhe mendimet e mia ne kete postim. Cte bejsh, te tille jemi ne, fatkeqesisht mendojme se me budallalliqet e perendimit do te perparojme dhe ecim drejte Evropes!
Ne anen tjeter ka njerez te cilet luftojne per te mbijetuar.