Besarta eshte nga Gjilani pra e kam bashkevendase dhe e njoh hehehe,po e shikoj cdo dite Big Brother me pelqen shume dhe sdi nuk kam cfare te bej tjeter mesoj dhe i shikoj ata,Ingridi me shkon nerva me disa sjellje te saja nuk eshte femije dhe nuk e di dje vallezonte si nje e shfrenuar dhe i ka lene femijet per te ardhur ne Big Brother si nuk i jane dhimbsur,ndersa Najada mbreme qe kishte rene mbi Olsin pak si banale kjo flen bashke, ledhatohen para kamerave e nuk e bejne mend qe gjithkush mund ti shoh.
Nejse te shohim se kush do te largohet te shtunen.
Mua me pelqen edhe organizimi qe i kane ndare punet dhe kur hyn aty ne kuzhine po sa shpejt qe i bjene gjerat more,jane shume per ate.
E ti Berni qe paske thene se Besarta nuk i kupton e edhe nuk e kuptojne ehhehehehe eshte e vertete e kam pare edhe une ne te shumten e rasteve,por keto ditet e fundit si duket eshte mesuar me gjuhen sepse te gjtihe flasin gjuhen e Shqiperise.

Shihemi per ngjarjet tjera eheheh

Eros origjinal dhe eros kallp

Shtohen dozat e afeksionit erotik mes Olsit dhe Najadës, ndërsa Julinda e Ingridi bëjnë gjasme si të dashuruara. Sakaq, 24-orëshi i fundit në shtëpi pati dhe shumë ngjarje nga më ekstremet

Doza e erotizmit është shtuar paksa në raportet mes Olsit e Najadës, të cilët kanë fjetur të përqafuar me njëri-tjetrin. Por ka të atillë forumistë në faqen e "Big Brother" që thonë se ata kanë bërë dhe seks. Ndërsa Julinda me Ingridin kanë bërë poza dashurie me njëra-tjetrën, duke qenë të shtrira në një krevat bashkë.

Olsi i shprehet Rominës se e ka marrë malli për të dashurën e tij. Ai tregon se e merr malli për të edhe kur është jashtë shtëpisë, sepse sipas tij e dashura e plotëson. Veç kësaj, Olsi shprehet se e dashura e tij është si shpirt dhe për këtë e ka zgjedhur. Në bisedën e tyre përfshihet edhe Nada (është parë tashmë afërsia mes Nadës dhe Olsit). Olsi e sheh Nadën si një shoqe shumë të mirë, me të cilën do të donte të mbante lidhjet edhe jashtë.

Banorëve të shtëpisë së "Big Brother" ju komunikohet prova e javës, që është në thelb një provë memorieje për njohuritë që banorët kanë grumbulluar për njëri-tjetrin. Prova u është komunikuar atyre nëpërmjet një letre të lexuar me zë për të gjithë nga Ervisi. Për këtë javë, banorët do të përballen me një pyetësor prej 20 të dhënash. Prova fillon dhe mbaron çdo ditë me sinjalizimin e një gongu, që do të bjerë nëpërmjet regjisë së shtëpisë dhe jashtë këtij orari banorët nuk kanë të drejtë të flasin për provën. Banorët do të jenë të organizuar në formën e një klase, ku secili prej tyre do të tregojë për 20 të dhënat e tij. 50% është basti që banorët vënë për provën, që do të jetë përcaktues për buxhetin e javës që vjen. Banorët e konsiderojnë provën të thjeshtë dhe interesante.

Nada tregon se në një revistë kishin nxjerrë tatuazhet e saj në kopertinë dhe kjo e kishte bërë të nxehej shumë. "Isha gati, shprehet ajo, të grisja gjithë revistat në treg nga inati, që më kishin fotografuar pa më marrë leje". Për një situatë të ngjashme, Nada tregon se nuk i flet më shoqes së saj të ngushte, e cila i kishte fotografuar nëpërmjet celularit tatuazhet e saj dhe i kishte shpërndarë ato në të gjithë Beratin.

Ina ngacmon Polin, duke i thënë se i është ngjitur nga pas. Poli i vënë në siklet i kap dorën dhe qesh. Pjesë e ngacmimeve të Inës bëhet edhe Ervisi, të cilit i thotë se vetëm sytë ka të bukur. Ervisi i shtrëngon dorën dhe Ina thërret për ndihmë Polin, për të cilin duket se ka njëfarë simpatie.

Çimi prek Najadën në këmbë dhe Ervisi e ngacmon duke i thënë të ketë kujdes nga gruaja. Çimi shprehet se gruaja krenohet me të, ndërsa Nada dhe Visi e ngacmojnë duke i thënë se gruaja e di se ka një burrë gorillë e monstër.

Besa sheh filxhanin dhe bën shaka me banorët e tjerë të shtëpisë. Ajo i thotë Nadës se i del një O e madhe dhe Nada e merr sikur po e ngacmon për Olsin. Besa sqaron më tej se në të vërtetë sheh figura, por nuk di të thotë nëse janë të vërteta apo jo.

Najada dhe Ervisi flasin për surprizat që do të donin t`u bënte "Big Brother" natën e spektaklit. Najada shprehet se do të ishte bukur sikur t`i fusnin në shtëpi familjarë të saj. Nada komenton më tej se do të ishte e mrekullueshme sikur ketë natë t`i fusnin të ëmën në shtëpi, për të cilën shprehet se ka shumë afrimitet. Ndërsa Ervisi, edhe pse do ta pranonte t`i fusnin të ëmën në shtëpi si surprizë, ka frikë se e ëma do të prekej dhe nuk do ta përballonte dot emocionin.
Nardi, Romina dhe Najada flasin për materialistët. Romina shprehet se ka neveri për ato femra të cilat qëndrojnë me një mashkull vetëm për interes. Ajo tregon sesi një e njohura e saj mbante dy të dashur në të njëjtën kohë, vetëm për përfitim. Nardi komenton se tashmë kjo është bërë një modë dhe vajzat ndodh shpesh të shprehen të lumtura për atë që i dashuri i tyre u dhuron.

Duke u kujdesur për lulet në kopsht, Nardi gjen një insekt me të cilin tremb vajzat. Me insektin në dorë, Nardi i afrohet Inës dhe Junës, të cilat largohen të terrorizuara.

Poli po shoqëron Ingridin dhe Rominën ndërsa hanë mëngjes. Tema e bisedës është kodi i veshjes për femrat. Ingridi thotë se ka disa steriotipe të veshjes për femrat (taka, buzëkuq, krehje flokësh) dhe ajo ka shumë shoqe që mbahen në mënyrë të tillë. Por, vetë është më sportive dhe pranon se ndonjëherë ndihet "si çun" në shoqërinë e tyre. Poli i thotë se të veshurit sportiv te femrat i pëlqen. Romina, e cila ka kaluar një natë të stresuar, hyn në temë me ton pak të vrazhdë, duke thënë se meshkujt s‘e kanë provuar ndonjëherë të rrinë 24 orë me taka.

Çimi dhe Ingridi thyejnë akullin mes tyre dhe bëjnë paqe, pas një jave keqkuptimesh të vazhdueshme mes tyre. Ingridi i thotë Çimit se kapet me meshkujt për faktin se e sheh veten të barabartë me ta. Çimi justifikon konfliktualitetin me Ingridin me faktin se nuk e ka njohur, ndërsa tani shprehet i bindur se e njeh shumë mirë atë.

Gazeta Shqip

RREGULLAT

Qellimi i Lojes

Qellimi i lojes se konkurrenteve te Big Brother, eshte qe fitojne cmimin e madh qe eshte vendosur, pra shumen prej 50.000 eurosh. Kete cmim do ta fitoje konkurrenti qe ka fituar numrin me te madh te preferencave gjate votimit te fundit. Loja fillon me hyrjen ne shtepi te 14 konkurreneteve. Vetem 4 prej tyre do te mund te arrijne ne finale per te konkuruar per cmimin e madh. Te tjeret do te eleminohen nga votimi gjate javeve te spektaklit.

Eleminimi
Ne diten qe do te caktoje Big Brother, konkurrenti duhet te nominoje, nepermjet motivitmit te tij personal, dy prej banoreve te shtepise. Ai i nominon ata duke i kandiduar si persona qe ka deshire t'i nxjerre jashte shtepise. Kjo zgjedhje qe ben konkurrenti do te komunikohet ne dhomen e konfesimit. Dy konkurrenet te cilet kane marre numrin me te madh te votave, pra ate nominimeve te banoreve te shtepise, do te jene dy kandidatet qe do te pregatiten per te dale nga shtepia javen e ardhshme. Ne rastin kur me shume se dy konkurrente kane marre te njejten numer votash, atehere shtohet numri i te nominuarve. Per shenmbull, nese nje konkurrent ka marre 5 vota, dy konkurrente nga 4 vota, tre konkurrente nga 3 vota dhe te tjeret nga nje vote, ne kete rast do te jene tre nominime. Gjate procesit te votimit per nominimet, e deri ne momentin e shpalljes se nominimeve, konkurruesve iu ndalohet qe te thone emrin e personave qe kane nominuar. Pra ata e kane te ndaluar t'ua komunikojne kete banoreve te tjere te shtepise.
Nominimiet do t'i komunikohen publikut si dhe banoreve te shtepise ne diten e vendosur nga Big Brother, normalisht kjo gje ndodh te shtunen ne darke. Publiku do te vendse se cili prej konkurrenteve qe eshte nominuar duhet te dale nga shtepia, dhe se cili prej tyre mund te vazhdoje te qendroje ne shtepi. Publiku do te votoje nepermjet telefonit, nepermjet menyrave qe do te dimostrohen gjate nates se spektaklit. Rezultati i votimeve do te komunikohet gjate transmetimit direkt te spektaklit te shtunen e ardhshme.

Gjate diteve qe zgjat Big Brother, procedura e nominacioneve dhe eleminimit, do te zhvillohet nje here ne jave, ajo do te ndryshoje vetem nese vendos ne menyre tjeter Big Brother Albania. Big Brother Albania ka te drejten qe te rrise ose te zvogeloje numrin e votive te dhene nga secili banor i shtepise dhe/ose numrin e te nominuarve. Per kete rast konkurrentet do te lajmerohen perpara se te fillojne votimet.
Konkurrenteve iu ndalohet cdo pakt apo marreveshje qe tenton te menjanoje mekanizmin e votimit dhe te nominieve. Nese pas votimit verifikohet nje lloj mareveshje kolektive e banoreve te shtepise te bere perpara se te fillonte votimi, atehere Big Brother Albania mund te anulloje te gjithe votimin e kryer, ose mund te marrin nominimim tre konkurrenetet e pare ne rendin alfabetik (sipas mbimerit).

Votimi Final

Fituesi i Big Brother Albania do te percaktohet sipas procedures se meposhtme:

Pas eleminimit te fundit, ne shtepi do te mbeten 4 konkurrente. Big Brother Albania, ruan te drejten e zvogelimit te numrit te konkurrenteve pergjate votimit final. Cmimin e Madh, do ta fitoje ai konkurrent qe gjate votimit ka marre numrin me te madh te votave te publikut.

Daljet e detyruara nga shtepia dhe speicifikat
Ashtu sic edhe eshte pershkruar ne procedurat e mesiperme, konkurrenti i eleminuar, do te dale nga shtepia sapo te kete marre komunikimin zyrtar nga Big Brother Albania. Konkurrenti do te kete ne dispozicion kohen per te persheendetur shoekt dhe shoqet ne shtepi, por do te jete i detyruarte dale sapo Big Brother ta ftoje ate per te dale nga shtepia. Menjehere pas eleminimit, Konkurrenti do te vije ne studion ku po zhvillohet programi TV. Pergjate kesaj faze, konkurreneteve te cilet kane mbetur ne shtepi u ndalohet drastikisht qe te kalojne LINJEN E KUQE, pra vizen ndarese te deres se jashteme te shtepise.
Nese ky rregull nuk zbatohet nga ndonje konkurrent atehere pasoja do te jete skualifikimi i tij i menjehereshem dhe nxjerrien nga shtepia.
Nje konkurrent mund te detyrohet te dale nga shtepia edhe si konsekuence e mos respektimit te ketyre rerregullave apo e thyerjes se tyre, ose sepse Big Brother Albania e konsideron sjellien e tij jo te pershtateshme me shpirtin e ketij projekti televiziv. Ne keto raste, konkurrenti skualifikohet, dhe dalja e tij nga shtepia do te kryhet sipas modaliteteve dhe kohes qe Big Brother do t'i komunikoje konkurrentit, pra duke i dhene kohen e duhur atij per te mbeldhur rrobat dhe cdo gje te tijen. Dalja e ketij konkurrenti do te behet ne menyre anonime, pa asnje nenvizim spektakolar, me perjashtim te ndonje ideje tjeter te Big Brother.

Dalja ne menyre te vullneteshme nga shtepia
Konkurrenetet qe do te hyjne ne shtepine e Big Brother Albania, e bejne kete gje ne menyre te vullnetshme. Secili prej tyre mund te vendose qe te braktise shtepine ne menyre te vullenteshme ne momentin qe ai desheron ta beje kete.
Nese nje konkurrent deshiron qe te dale nga shtepia, kete gje duhet t'ia komunikoje Big Brother ne dhomen e konfesimit. Big Brother do te vendose per modalitetin dhe kohen ne te cilen do te dale ky konkurrent nga shtepia, ne menyre qe t'i jape kohen dhe mundesine atij qe te pershendet me banoret e tjere te shtepise.
Konukrenti qe do te dale ne menyre te vullneteshme nga shtepia, nuk mund te kthehet pas, dhe dalja e tij do te realizohet ne menyre anonime, pa asnje lloj evenimenti spektakolar, vetem nese Big Brother vendos ndryshe. Konkurrenti i cili do te dale ne menyre te vullneteshme nga shtepia, e humbet te drejten e formave te ndryshme te rimbursimit apo te cmimeve te oparashikuara ne kontraten me Big Brother Albania, pjese integrale e se ciles eshte edhe kjo rregullore.

Zevendesimi
Çdo skualifikimi, apo dalje ne menyre te vullneteshme, do t'i korespondoje hyria e nje konkurrenti te ri. Modalitetet te hyrjes se konkurrentit te ri do te percaktohet vetem nga Big Brother Albania. Sido qe te jete : Konkurrenetet "e vjeter", nuk mund t'i drejtojne konkurrentit te sapofutur asnje lloj pyetje qe lidhet me ate ç`fare po ndodh jashte mureve te shtepise. Konkurrentet "e rinj" nuk duhet t'iu tregojne konkurrenteve "te vjeter" asgje qe lidhet me boten jashte mureve te shtepise, si dhe nuk duhet t'u japin atyre asnje lloj shpejgimi per menyren se si po rrjedh programi televiziv. Konkurrentet "e vjeter" duhet t'i informojne te sapofuturit mbi jeten ne shtepi.

Menyra e sjelljes ne shtepi
Gjate periudhes se qendrimit ne shtepi, konkurrenteve iu ndalohet çdo lloj kontakti me boten e jashtme. Konkurrenteve iu ndalohet qe te kerkojne çdo lloj forme komunikimi me boten jashte shtepise: nuk lejohet qe te therrasesh per te folur me persona qe mund te jene rreth e rrotull shtepise, te degohen mesazhe jashte mureve te shtepise me çfaredo lloj mjeti, te perdore telekamerat apo mirkofonet per mesazhe personale. Nuk lejohen qe te lexohen mesazhe qe mund te vijne nga jashte mureve te shtepise ne forma te ndryshme. Big Brother Albania do te perqiet qe te parandaloje te tilla gjera: por ne rast se shfaqet nje situate e tille, konkurrenetet duhet te jene te detyruar qe te respektopjne rregullat e vendosura nga Big Brother Albania. Ne rast se konkurrentet marrin mesazhe te shkruara nga jashte mureve te shtepise, duhet t`ia dorezojne menjehere Big Brother Albania. Mos respektimi i keij rregulli do te perbente penalizim ose skualifikim te menjehereshem.


Penalitetet
Çdo veprim qe lidhet me thyerjen e rregullave do te shoqerohet me denime te cilat do te perfshijne te gjithe konkurrentet. Ne varesi te vendimit te Big Brother Albania, denimi mund t'i jepet vetem personit qe ka thyer rregullat. Denimet konsistojne me se shumti ne veshtiresimin e kushteve te jeteses Brenda shtepise, si per shembull:

nderpjeria e ujit te ngrohte
konfiskim i produkteve ushqimore
konfiskim i produketeve te lluksit (emblesira, cigare ose pije alkolike)
heqje e orarit te nderpreries se dritave per gjume, etj.

TCH

Ingridi, e para banore që del nga shtëpia

Ingridi është ajo e cila i tha lamtumirë "Big Brother"-it, si më e votuara për të dalë jashtë


Ingridi është ajo që doli mbrëmë nga shtëpia e "Big Brother-it", pas votimit njëjavor nga publiku me anë të sms-ve nga Shqipëria, Kosova, Maqedonia e disa vende evropiane, ku punojnë e jetojnë shqiptarë. Tashmë në shtëpi nuk janë 14, por 13 banorë. Por ndarja e Ingridit nuk ka qenë e lehtë. Pati nga ata banorë që u shkrehën në lot kur Ingridi po e linte shtëpinë.

Por çfarë ka ndodhur 24 orët e fundit në shtëpi?

Dje Çimi kishte një festë shumë speciale: përvjetorin e martesës. Ndaj ka pastruar dhe ka gatuar për të gjithë peshkun. Ai kishte një ide që ta bënte peshkun me një salcë speciale. Erdhi vërdallë nëpër shtëpi dhe i lajmëroi të gjithë me radhë se dreka që ka përgatitur ishte një surprizë e vërtetë.

U mblodhën në kuzhinë: Visi, Poli, Juli, Ingridi, Besa dhe nën drejtimin e Visit të gjithë nisën të këndojnë një këngë për nënën, duke u përfshirë kështu në përjetimin e 8 Marsit.

Një diskutim për festën në fjalë lind nga një gjest i Arbrit për t‘u përgatitur vajzave mëngjesin, por Çimi dhe Olsi u munduan të bëjnë shaka me këtë. Ata nuk e kishin të qartë se për çfarë ishte kjo festë: për gratë apo nënat!? Pastaj shakaja vazhdoi me fjalët e Visit, që thoshte se "këto për 8 Mars duan vetëm të hanë dhe të pinë". Najada i kthehet edhe njëherë Çimit, duke i thënë se edhe ai duhet ta vlerësojë veprimin e Arbrit. Olsi i kërkon një lugë reçel Najadës, por ajo i përgjigjet me një "jo" të ftohtë. Najada me Çimin vazhdojnë bisedat me tendencë. Najada thotë se e shtuna nuk qenka dita e Çimit, ndërsa me pak më agresivitet reagon Romina.

"Nuk i vjen natyrale", thotë Giti për Romin, ndërsa komenton natyrën e saj. Megjithëse Juna ka qenë deri para pak kohësh me Romin dhe Olsin, tani ajo po flet me Gitin kundër saj. Njëkohësisht edhe Romi është shprehur me Nardin dhe Nadën për Junën pa shumë kënaqësi. Megjithatë, në këtë moment, është Ingridi që bën komentet më të forta, duke shpresuar që të jetë Romina ajo që do të dalë.

Pas një ulërime të Rominës, sepse Çimi erdhi në dhomë me një peshk në dorë, Najada, e cila po flinte, acarohet aq shumë sa stresohet. Visi është aty dhe i bën një masazh që ajo të qetësohet. Olsi, nga ana tjetër, bën batuta mbi "stërvitjen e gishtave" dhe Visi ia pret se "sapo ka filluar".

Juna shtrihet me Titin në krevat për ta ngacmuar dhe Olsi me Nardin qeshin me reagimet e tij. Juna vazhdon dhe e ngacmon, derisa e qeshura zbehet. Nardi ikën dhe ata të tre mbeten vetëm. Olsi nis e tregon për fëmijërinë e tij, kur ishte një "çamarrok", ndërsa Juna dhe Astriti e dëgjojnë. Ai zgjat dorën dhe nis e përkëdhel flokët e Junës, e cila rri në heshtje dhe më pas flet me Titin. Ajo i thotë Titit se është mësuar me shokët që i prekin flokët, ndërsa Olsi i thotë se ai nuk e bën me të gjithë. "Vetëm se është floku yt", i thotë Olsi. Ai i këshillon ndër të tjera që ajo duhet të presë majat e flokëve, sepse i ka të thara dhe nuk do të mund t‘i zgjaten.

Olsi përfiton nga momenti që gjendet me Inën, ndërsa bëjnë pastrimin e mëngjesit. Ai e puth duke e uruar për festën. Ajo i thotë: "Sa mirë do të ishte po të kishim festë përditë".

Ajo është zgjuar dhe po gatuan, ndërsa Poli, Çimi dhe Nardi e shoqërojnë. Ata i thonë se një nga këngët e saj më të pëlqyera "buçiti" sot në mëngjes, por ajo ishte në gjumë. Ajo entuziazmohet aq shumë sa nis e të kërcejë duke kënduar këngën që i përmenden çunat. Pak më parë, kur ishte vetëm me Polin, ajo i rrëfeu se sot do të dëshironte të kishte mundësi të fliste me mamanë e saj.

Najada është shtrirë në krevat dhe mendohet. Hyn Olsi, duke kërkuar ende çfarë të veshë dhe i merr këshilla Najadës. Ajo i përgjigjet me përtesë se asnjë nga bokserat e Olsit nuk i pëlqejnë, se duket si "plakush".

Nardi me Arbrin janë në oborr. Kanë mbaruar mëngjesin dhe po flasin për javën që ka kaluar dhe çfarë do të ndodhë nga nesër. Janë akoma përgjumësh, por përfitojnë nga dielli për t‘u relaksuar pak. Arbri bëhet kurioz nëse do fusin njeri direkt apo do presin. Ai shpreson të hyjnë dy femra dhe një mashkull, që të ketë një ekuilibër. Nardi mendonte se mbrëmë do të dilte Ingridi. Nardi dhe Arbri thonë se për "ata të rinjtë" do të jetë me kollaj. Ata kujtohen për Çimin, i cili ka përmendur i pari "krijimin e grupeve" brenda B.B., por asnjërit prej çunave kjo bisedë nuk i pëlqen.

Nardi flet pas krahëve për Junën, duke thënë se Juna flet pas krahëve. Ai shprehet se Juna shtrembëron buzët sa herë që ai flet me Najadën. Najada thotë se "ajo aq bagazh ka". Romina flet për Junën. Sipas saj, Juna ka pasur momente të dobëta në sjelljen që ka pasur me atë dhe në shumë raste ajo nuk e mban fjalën që thotë. Romina merr rastin e Ingridit, duke thënë se ajo e ka falur, meqë Ingridi kishte ardhur më pas dhe i kishte kërkuar falje për fjalët me nerva.

Ervisi, Juna, Poli, Juli dhe Ingridi flasin për personat me të cilët do të ruajnë miqësinë jashtë. Të gjithë përjashtojnë Çimin, duke e argumentuar këtë me moshën e tij. Juli shprehet se nuk do të ruajë miqësi as me Romin dhe Nadën, sepse edhe brenda, sipas saj, ka munguar afrimiteti me to. Biseda shpreh qartë grupimet brenda shtëpisë së madhe të "Big Brother".




Kush është Ingridi, e larguara nga shtëpia e "Big Brother"-it


E ndarë nga i shoqi, nënë e dy fëmijëve dhe që jeton me një mik të quajtur Erjys, të cilin e ka pasur dikur shok shkolle. E datëlindjes 1978, ajo ka pak kohë që jeton në Tiranë e ardhur nga Fieri, ndërkohë që origjina e saj është nga veriu.

Ka një hob të tmerrshëm, hipizmin. Ndaj kalëron shpesh. Pëlqen edhe jetën e motorëve. Në përgjithësi, njeri i thjeshtë, e brishtë dhe emotive. Kur hyri në "Big Brother" ishte pothuajse në prag të gjetjes së një pune, të cilën e la pasi hyri në shtëpi.

Romina nuk e do burrin fshatar

(Ndërkohë plasin dhe ëndrrat erotike

Ndërsa Ina dhe Çimi thonë se dita e nesërme do të jetë e "rëndë" për ata që kanë shumë punë për të bërë, gjumi nuk i kap. Bisedat mes banorëve nxjerrin histori nga jeta e tyre përpara se të hynin në shtëpinë e B.B. Julinda dhe Arbri flasin për jetën studentore dhe thashethemet që dalin për studentët nëse kanë të dashur ose kthehen natën vonë. Julinda tregon për kujtimet e saj si studente në Qytetin Studenti dhe për përshtypjet e saj për Tiranën e atmosferën që ajo ka. Bisedat për Tiranën i ndërpret edhe Nardi, i cili mendon se Tirana nuk ka asnjë vend ku të argëtohesh.
Çimi dhe Romina bisedojnë për nominimet. Tashmë Çimi flet i lehtësuar për këtë çështje, ndërsa Romina tregon se është e vendosur t‘i shkojë deri në fund lojës, duke dhënë maksimumin e vetes. "Edhe nëse nuk u pëlqej të tjerëve, kjo nuk ka rëndësi, unë do bëj të pamundurën", thotë Romi. Ajo argumenton se influenca brenda grupit është më e madhe sesa mundësia për të zgjedhur lirisht nominimet. Poli e kundërshton, duke thënë se nuk ka influenca. Çimi interesohet edhe për Junën, e cila këtë javë është e nominuar. Ajo thotë se nuk ka asnjë koment për banorët, veçse shprehet se ata nuk e njohin. Romina dhe Najada i thonë Junës se ajo ka qenë pasive gjatë debateve. Juna nuk e merr këtë koment pozitivisht dhe e akuzon Rominën se ajo nuk e njeh fare. Ajo mbrohet duke thënë se pjesëmarrja e saj në diskutime ka qenë koherente me karakterin e saj. "Nuk mendoj se kam bërë ndonjë gabim. Edhe nëse nuk përshtatem do të dal, në të kundërt do të rri", thotë ajo.
Najada me Titin flasin për ndryshimet sociale mes një personi të rritur në fshat e atij të rritur në qytet dhe për bashkëjetesën e një çifti me prejardhje të ndryshme. Najada i thotë se në një familje fshati atë nuk do ta pranonin asnjëherë si nuse. Kurse Romina thotë se nuk do të martohej me një person që nuk është në nivelin e saj.

Pas largimit të Ingridit, banorët ndihen më afër atyre që i ndjekin nga jashtë. Arbri, Ina, Poli dhe Najada janë mbledhur te divani i kuq pas mesnate dhe i tregojnë njëri-tjetrit për familjet e tyre dhe ankthin e së shtunës.

Nada i thotë Nardit se do ndihej shumë mirë sikur të ikte Juna nga shtëpia. Ajo e argumenton këtë me faktin se Juna nuk punon dhe nuk di të debatojë. Nardi thotë se është çështje preferencash dhe se edhe ai ka njerëz në shtëpi me të cilët nuk do të donte të shoqërohej. Ai shton më tej se e ka marrë malli për shtëpinë dhe se nuk do i vinte keq edhe nëse del natën tjetër të spektaklit. Sipas Nardit, ka persona brenda shtëpisë si Poli dhe të tjerë që ndikohen nga fjalët e thëna. Ata flasin edhe për Gidin dhe shprehen se me siguri në këto momente duhet të jetë pranë vajzave.

E rëndësishme është të zbaviten. Tashmë banorët e kanë kuptuar se brenda shtëpisë duhet të "shpikin" më shumë mënyra për t‘u zbavitur. Ata kanë gjithë natën që këndojnë dhe kërcejnë, derisa sa vjen ora e lojës "xum". Pas pushimit të cigares në kopsht, mblidhen të gjithë te kolltukët e kuq dhe nis loja.

Titi, Juna dhe Arbri janë ende duke ngrënë mëngjes. Titi diskuton me Junën për Rominën, e cila dje kishte thënë se nuk do të martohej kurrë me një fshatar. Juna është e interesuar për Rominën, pasi edhe asaj Romina i foli me agresivitet dje. Juna thotë se mënyra sesi pretendon të bëjë diskutim Romina është e sforcuar dhe arrogante.
"Kam parë një ëndërr me seks mbrëmë", thotë Nardi. Romina dhe Najada interesohen menjëherë dhe bien në kurthin e Nardit. Arbri e kupton batutën dhe qesh. Megjithatë ëndrra është e vërtetë i siguron Nardi, por ai nuk e di se kush ishte nga gocat, sepse nuk ia ka parë fytyrën. Najada thotë që nuk sheh shpesh ëndrra të tilla, por kur sheh ëndrra erotike, zakonisht dalin. "Inshalla na sheh në ëndërr", i thotë Arbri duke qeshur.

Çimi dhe Romina janë dy më gjaknxehtët dhe Çimit i pëlqen ta ngacmojë atë. Nga ana tjetër është Juna që i lëshon një jastëk Titit gjatë lojës, duke tërhequr kështu një varg gjuajtjesh nga të tjerët. Arbri me Çimin gjithashtu kanë një "betejë" të vogël jastëkësh, ndërsa Visi shkon dhe i sulmon të dy. Nardi tremb Inën, por atë e mbron Çimi. Shtëpia bëhet një fushë-betejë e vërtetë, ndërsa banorët përplasen dhe vrapojnë nga të katër anët. Më në fund ulen duke dihatur. Romina nis e këndon një himn marinsash amerikanë për lojën brenda shtëpisë së B.B. I kap vapa aq shumë sa "plasen" nëpër kolltukë, duke vazhduar thirrjet me zë të lartë drejtuar njëri-tjetrit. Titi, që lodhet shpejt, ikën i pari nga grupi. Visi i thotë Arbrit se gjuajtja e tij e ka trullosur, por Arbri i thotë që Çimi e ka për zakon të bjerë fort, kështu që t‘i ankohet atij. Në atë moment Juna e ngacmon dhe ai nis e gjuan me jastëk te kurrizi. Vendosin të ndërpresin lojën dhe të këndojnë, por mezi marrin frymë, kështu që përfitojnë të qetësohen dy minuta në divan.

Olsi është i vetmi që nuk bën punë brenda shtëpisë, veç herëve kur e detyrojnë. Ina bashkë me Polin kanë për të larë shtëpinë dhe Ina thotë se nuk do asnjë t‘i vijë nëpër këmbë. Titi, si zëvendësi i Shkëlqimit, sot ka punë për të bërë. Ata flasin për herët që e kanë kapur njëri-tjetrin në banjë.

Olsi i thotë Rominës, Nardit dhe Nadës se nesër do t‘i kërkojë Junës nëse do ta ndihmojë në punët e shtëpisë. Nardi përfiton për të pyetur Besën, e cila e ka sot ditën e punëve. Ajo i thotë Nardit ta harrojë! Ndërkohë biseda kalon te flokët dhe Najada i thotë Olsit që i ka flokët me yndyrë dhe atij nuk i pëlqen. Ai shpik batutën "Noçja dhe Poçja" për Najadën dhe Rominën. Atyre u kujtohen akulloret e vjetra që bënin 5 lekë, duke folur për faqet e Rominës bufe.

G.Shqip

Sqarim mes Nades dhe Olsit
Olsi i ben nje deklarate te fuqishme Noces. Ai i thote se te shtunen dhe te djelen do te shkoje te jetoje tek shtepia e saj per te pare sesi jeton. Nocja i thote se kur te dale jashte e dashura do ta marre jo me kobure, por ka per ta bere thela-thela. Ajo shprehet se nese do te kishte te dashur nje tip si ai, do ta kishte vrare me duart e saj. Olsi e ngacmon dhe i thote se po i duket sikur e ka hallin tek vetja, per faktin se ai po fle me te, e me tej ngacmon Junen. Najada mendon se sjellja e Olsit, do ti kushtoje shume me te dashuren kur te dale jashte shtepise. Ajo shton me tej se Olsi vepron keshtu, sepse nuk ka nje lidhje serioze me te dashuren e tij dhe per kete nuk i mendon gjate ato qe ben. Sipas Nades, Olsi ka nenvleftesuar te dashuren e tij, duke e argumentuar kete me sjelljen e tij sa prane saj ashtu edhe me Junen. Per Olsin nese do te sillej ndryshe, nuk do te ishte vetvetja dhe sipas tij e dashura duhet te kuptoje pikerisht kete. Ata sqarojne mes tyre edhe vendimin per te mosqendruar me ne te njejtin shtrat. Nada sqaron se po e largon per hir te te dashures se tij, ndersa Olsi mendon se ajo e ka mare kete vendim, per te mos merzitur te emen. Olsi i thote se nuk do i shkoje me ne shtrat, por nese ajo do, e ka deren e hapur. Nocja i thote se nuk do fleje me, me asnje nga djemte ne shtepi.

Seks ne shtepi?

Arbri pyet vajzat nese e kane menduar se mund te kene marredhenie seksuale ne shtepi. Juli shprehet ne menyre kategorike jo, duke argumetuar se fakti qe ka nje lidhje jashte, nuk i le te mendoje kete gje. Olsi mendon se te gjithe e kane menduar, per aq kohe sa e kane ditur se do jetonin femra dhe meshkuj nen te njejten cati. Romina i ngacmon cunat duke ju thene se groshet i paskan stimulant.

Kunder Romines

Olsi dhe Ervisi shprehen kunder menyres sesi Romina pyet te tjeret. Sipas Olsit ajo nuk di te pyese te tjeret dhe mendon se te tjeret nuk dine te kuptojne pyetjen e saj, Sipas tij pyetja drejtohet per te kuptuar dicka nga tjetri dhe jo per te pare nese tjetri e kupton pyetjen e tij. Sipas Visit, njerezit vleresojne edhe per menyren sesi pyesin dhe kjo e ben Rominen te mos beje figuren e mire me kete diskutim. Duket se argumentat e djemve e kane lene pa fjale Rominen.