Bjordi-Adela, një natë përqafimesh e puthjesh

Mund të themi me plot gojë që tani janë zyrtarizuar dy çifte në shtëpinë e Big Brother-it. Nga njëra anë, lidhja e shumëpërfolur Bjordi-Adela dhe nga ana tjetër Arjoni-Anjeza. Janë dy çifte që tashmë duket se po sfidojnë banorët që janë të pozicionuar tek në shtëpi. Fjalët që nëna e Bjordit i tha atij në spektaklin e së shtunës, ai ia ka transmetuar vajzës nga Kavaja, tek e cila kanë krijuar një gjendje më të qetë. Ata, vazhdimisht, që nga ajo natë qëndrojnë bashkë, duke u puthur e përkëdhelur. Kjo gjë ka rënë në sy edhe të banorëve të tjerë. Ka qenë Anjeza ajo që ka parë ata duke u puthur dhe e ka pyetur: “Tani Adela është cilësuar për ju të dy?” Bjordi ia kthen përgjigjen, duke i thënë që lidhja e tyre nuk do të cilësohet asnjëherë. Adelajda mbështet mendimin e tij, dhe shton që ato nuk kanë nevojë për cilësime. Sipas Anjezës, fakti që e kanë bërë publike puthjen e tyre është një lloj cilësimi. Adelajda thotë që njerëzit mund të thonë çfarë të duan për lidhjen e tyre. Anjeza mendon që fjalët e saj bien në kontradiktë me atë çfarë i kishte thënë ditë më përpara. Këtu duket sikur Adelajda ka pranuar gjithçka, duke i thënë: “Me sa gjëra kam rënë në kontradiktë unë!”. Nuk ka qenë vetëm ky momenti i vetëm i intimitetit të këtij çifti. Pas fjetjes së gjithë banorëve të tjerë, Adelajda dhe Bjordi kanë vazhduar të qëndrojnë bashkë, duke u puthur e duke u përqafuar. “A do të doje gjë tjetër këtë moment?”, - e ka pyetur Bjordi Adelajdën. Ajo ka mohuar. “Përqendrohu tani, këtu, shijoje tani dhe ky do të jetë momenti më i bukur”, - i ka thënë ai - nesër është një ditë tjetër!”. Pas rreth dy orësh, ata i ka zënë gjumi në krahët e njëri-tjetrit. Por, çiftet e krijuara brenda në shtëpi nuk kanë kaluar pa u bërë një lloj vlerësimi edhe nga banorët e tjerë. Arjoni dhe Anjeza janë më të tërhequr me njëri-tjetrin, sillen normalisht dhe nuk është se kanë probleme. Shumë prej teleshikuesve e kanë pagëzuar këtë lidhje të krijuar për “shoë”, ndërsa vetë Arjoni, kur Mesida gjatë programit të së shtunës e “akuzoi” për këtë fakt, ai e mohoi në mënyrë kategorike. Vlen të pritet në ditët ne vazhdim se çfarë do të ndodhë me këta të dy.Duke biseduar me Arjanin, Qetsori ka thënë se, për mendimin e tij, nëse do të krahasoheshin dy çiftet brenda shtëpisë, Bjordi dhe Adela ishin më të fortë sesa Anjeza me Arjonin. Ai, njëkohësisht ka pyetur pse ishte kështu. Sipas Arjanit, kjo ishte rezultat i vështirësisë, me të cilën u lidhën ata të dy, e njëkohësisht të simpatisë që Bjordi gëzon në publikun jashtë, me sjelljen dhe të folurën e tij. Adela, gjatë qëndrimit me Bjordin ka ngritur në vetvete një pikëpyetje që, në një farë mënyrë, ia ka drejtuar edhe atij. “Pse të tjerët më marrin inat?” - ka thënë Adela. Të tjerët, në qoftë se duan mund të më njohin më mirë dhe të ndryshojnë mendim. Bjordit i ka thënë se atë e pëlqejnë banorët, po tek unë çfarë nuk shkon, është shprehur ajo vazhdimisht e habitur.

Gëzuar ditëlindjen Arjon!

Një tjetër banor ka festuar ditëlindjen brenda shtëpisë së Big Brother dhe ka qenë pikërisht Arjoni. Banorët e kanë pritur atë të fshehur jashtë shtëpisë, ku Qetsori i kishte përgatitur edhe një kënd romantik, të sajuar me jastëqe dhe vazo lulesh. Aty e priste edhe dhurata e tij, Anjeza, që banorët e kishin mbuluar “që të mos dukej”. Ata e uruan të gjithë me rradhë, duke e puthur e përqafuar dhe i kënduan edhe këngën e ditëlindjes. Ai i ka falenderuar banorët për mendimin dhe impenjimin. “Unë nuk i kam qejf surprizat, - ka thënë Arjoni, - por kjo ishte shumë e bukur!”.

Shakaja për Arjonin

Anjeza, Adelajda dhe Bjordi i kanë bërë Arjonit një shaka. Ata kanë shfrytëzuar momentin që ai ka ikur dhe ndërsa Anjeza dhe Adela ruanin kthimin e tij, Bjordi është futur nën jorgan, në këndin romantik, që Qetsori kishte përgatirur për çiftin, në mënyrë që Arjoni ta kujtonte si Anjeza, për të parë sesi do të reagonte. Por Arjoni i ka qëndruar lojës dhe është futur edhe ai nën jorgan duke bërë sikur e përqafonte. Vajzat kanë qeshur me të madhe.

Kryefamiljarja e re, Mimoza, duket se ka pasur përplasje me banorët e shtëpisë së "Big Brother". Pasi ka ndarë punët, ajo u ka kërkuar të çohen e t‘i bëjnë ato, sepse në këtë mënyrë tregonin respekt për të dhe rolin që ka marrë përsipër këtë javë.

"Po më befasoni!"
Mimoza është e acaruar në lidhje me punët e shtëpisë. Ajo debaton me Adelajdën në lidhje me to. Adelajdës nuk i pëlqen mënyra e saj e të folurit dhe i thotë që ta ulë zërin kur flet me të. Mimoza i kthehet duke i thënë që edhe ajo i ka bërtitur dhe nuk i ka thënë asgjë. Adelajda i thotë që ajo e mban veten si person i qetë, por po e tregon ndryshe veten. Mimoza i thotë që është e vërtetë që ajo është e tillë, por jo në rastin kur dikush e ngacmon. Ajo thotë: "Po më befasoni të gjithë!" Adelajda mendon se fakti që vetëm Moza është e habitur tregon që ajo ka ndryshuar dhe jo të tjerët. Mimoza vazhdon debatin duke i ngritur zërin Adelajdës dhe i thotë që debati për punët tregon që ajo nuk e respekton. Adelajda e kundërshton, duke i thënë që nëse do të ishte siç e mendonte ajo, nuk do i fliste qetë.

"Nuk duhet të kalosh kufijtë!"
Anjeza dhe Junida qëndrojnë në dhomë duke diskutuar për jetën brenda "Big Brother". Junida shprehet se i pëlqen koncepti i lojës nga ana psikologjike. Anjeza mendon që në këtë lojë provohet se sa "mban" njeriu. Izolimi merr një tjetër vlerë kur je me njerëz mendon Junida, por problemi i vetëm qëndron në aftësinë e komunikimit midis njerëzve, shton ajo. Ndërsa thotë se "nuk duhet të kalosh kufijtë!" Anjeza tregon që është një person i qetë dhe nuk i kalon kufijtë e durimit. Junida e këshillon duke i thënë që ajo duhet të merret me veten e saj, por duke mos cenuar asnjë.

Një kartolinë për Arjanin
Arjani ka marrë një surprizë nga "Big Brother". Ai është thërritur në dhomën e rrëfimit, ku gjeti një foto të babait me një dedikim. Një shok i babait i kishte shkruar Arjanit të "Big Brother" se po nderon tironsit e vërtetë! Pasi ka dalë nga dhoma e rrëfimit, personit të parë që ia ka treguar ka qenë Bjordi. Ai shikon foton dhe i tregon për babanë e tij, duke i thënë që ka qenë një figurë e rëndësishme artistike. Më pas, ai ua ka treguar edhe banorëve të tjerë foton. Junida, pasi ka parë foton, i ka thënë që ajo ishte kartolinë. Arjanit i pëlqeu shumë surpriza dhe kartolinën e vendosi te koka e krevatit të tij.

Adela në Itali
Adi, duke diskutuar për daljen nga "Big Brother", fillon ngacmon Adelajdën në lidhje me Bjordin. Ai fillon të fantazojë sikur Adelajda shkon në Itali te Bjordi, por nuk di rrugët. Ai e pyet Bjordin se çfarë do të bënte. Bjordi i thotë me shaka që do e linte të humbte rrugën. Ajo i thotë se në rastin e supozuar do të merrte në telefon tezen e saj. Ata vazhdojnë duke fantazuar situata sikur ajo shkon në Itali, por është pa lekë. Adelajda e pyet Bjordin se sa larg është shtëpia e tij nga aeroporti. Bjordi i thotë 1 javë larg dhe bëjnë batuta për mjetet që mund të shkojë Adelajda te shtëpia e tij. Ajo i thotë: "Po pse budallaqe jam unë që të shkoj në Itali, të mos më presë Bjordi dhe t‘i shkoj në shtëpi?!" Ata vazhdojnë të bëjnë batuta me Adelajdën.

"Jemi në siklet kur nominojmë!"
Arjani, Adi dhe Bjordi qëndrojnë në kopsht duke diskutuar për nominimet. Ari është i mendimit që duhet të ketë debate brenda në shtëpi, pasi kanë rënë në monotoni. Ata diskutojnë për finalen. Bjordi thotë që kanë arritur në një pikë ku janë në siklet gjatë momentit të nominimit. Ai mendon që këtë javë do eliminohet një banor, ndërsa javën tjetër dy. Adi mendon se është e vështirë. Ai vazhdon duke thënë që banorët duhet të zgjedhin vetë dhe shton: "Unë nuk dua të ndikoj tek asnjeri!"

"Jemi bashkë në lojë"
"Ka ardhur koha që unë edhe ti të luajmë bashkë", i thotë Sori, Adit. Ata kanë vendosur që të diskutojnë për mënyrën se si veproi Adi kundrejt Pavlinit. Adi është treguar i gatshëm që këtë bisedë ta zhvillojnë në ato momente, por Sori dëshiron që ta zhvillojnë dy ditë më pas, në kuadrin e lojës. Sipas tij, ata duhet të fillojnë të nxjerrin në pah mendimet e tyre reale për njëri-tjetrin. "Unë të kam sulmuar duke të të mbrojtur dhe këtë ta kam thënë", ia bën të qartë Adi, Sorit mënyrën e lojës së tij. Sori shprehet se i di vlerat e Adit, por nuk është i sigurt nëse Adi i di vlerat e tij. Adi ia kthen se për sa janë brenda në lojë, janë mirë, ndërsa se çfarë do të ndodhë kur të dalin, është tjetër gjë dhe do të jenë të dy që do ta vendosin nëse do ta ruajnë miqësinë apo jo. Të dy fillojnë të flasin hapur për lojën që bën secili. Ata mendojnë se për çmimin duhet të luajnë deri në fund si kundërshtarë dhe t‘i japin dorën njëri-tjetrit në çdo rast. Adi shpreh edhe njëherë motivin e tij të lojës, që brenda kësaj ligësie, për të fituar atë çmim, ai do të tregojë edhe pak mirësi. Ai tregon se e vlerëson si një protagonist në lojë Sorin. Edhe Sori mendon të njëjtën gjë për Adin dhe shprehet se e kupton mënyrën se si ai luan, por, sipas tij, Adi nuk e di se çfarë ka shprehur ai në rrëfim kundrejt tij, ka folur mirë apo keq, dhe shton se ka qenë shumë real dhe i sinqertë në lojën që po bën. Për Adin, sinqeriteti në lojë tregohet kur krijon edhe miqësi, ndërsa Sori nuk ka asnjë mik. "Unë kam zgjedhur të jem vetëm", thotë Sori.

"Tjetër the, tjetër bëre"
Në mes të bisedës ndërhyn edhe Adela, e cila kapet pas fjalëve të Sorit që po bën lojë të sinqertë. Ajo i kërkon atij t‘i shpjegojë se përse para disa javësh, kur ata diskutuan në lidhje me lojën që po bënin të dy, Sori i kërkoi asaj që të nxirrnin në nominim banorët që nuk e kishin provuar kurrë nominimin e në të vërtetë, nxori atë dhe Aidën. Sori i tregon se atë javë, ajo dhe Aida ishin bërë të padurueshëm për të dhe për gjithë shtëpinë, duke treguar kështu nga vetja anët e tyre më negative. "Ju jeni ngrënë me njëra-tjetrën aq shumë, sa unë ju urreja dhe thjesht doja të dilte njëra prej jush, sepse nuk ju duroja dot më, pa pasur preferencë se kush". Ai shprehet se të dy në bisedën që patën, nuk bënë asnjë pakt mes tyre, por thjesht lanë të nënkuptohej diçka. Sori thotë se nuk dëshiron të futet në këtë histori, sepse mbi të gjitha mes tyre nuk kishte asnjë pakt; nëse do kishte pakt, atëherë ajo do kishte të drejtë t‘i kërkonte sqarime. Adela i thotë se nuk po i kërkon sqarime, sepse realisht nuk kishin asnjë pakt, por thjesht i dha një shembull që ai ka devijuar nga loja e sinqertë. Ata mbyllin bisedën duke parë që rreth tyre vijnë dhe banorët e tjerë.

Adela: Sori mashtroi
Bjordi pyet Adelën se si nisi ky diskutim mes saj dhe Sorit. Ajo i tregon se në momentin që Sori u shpreh se po bënte lojë të sinqertë, ndërhyri që t‘i jepte një shembull ku ai po luante pisët e duke treguar që Sori kishte mashtruar. Bjordi e mendon ndryshe. Sipas tij, ai nuk ishte mashtrim, sepse Sori ka një mijë mënyra për ta treguar këtë gjë. Adela insiston se thellë-thellë ishte mashtrim dhe se nga publiku u duk keq, pasi duartrokitën kur ajo e nominoi, me arsyen se ai po bën lojë të pisët. Sipas saj, ato se çfarë thotë Sori më pas, janë justifikime dhe nuk është e rëndësishme që ai ta kuptojë, por publiku.

"Aleanca nuk të bën lojtar të keq"
Biseda mes Sorit, Arit dhe Adit vazhdon edhe në kopsht. Arit i vjen keq që Sori deri dje e ka pranuar që ka marrë rolin e të keqit, ndërsa tani e kundërshton. Sori shprehet se ndryshojnë bisedat kur bëhen seriozisht si kjo e tanishmja dhe ndryshojnë kur bëhen në kontekstin e shakasë. "Brenda shakasë ka edhe të vërteta", ia kthen Ari. Ai shprehet se Sori ka bërë gjithmonë rolin e protagonistit provokator. "Ku është e keqja në këtë mes?" - pyet Sori. Ai thotë për veten se është provokator, aktiv, i bezdisshëm, por jo që Ari ta klasifikojë tek "i keqi". Ari thotë se po e klasifikon në këtë mënyrë në kontekstin e lojës. Sori mendon se nuk është e drejtë që ta mendojë ashtu vetëm se ai është përpjekur të bëjë aleanca dhe diskutime për nominimet, por për Arin, në një lojë këto gjëra vihen re. Sori fillon t‘i shpjegojë Arit se ka diskutuar me Arjonin në lidhje me nominimet dhe këtë gjë e ka bërë për një arsye shumë të fortë: që të jetë edhe ai protagonist në lojë. Ai tregon se këto lloj diskutimesh janë bërë kur ai gatuante me të dhe e ka bërë këtë gjë që të kishte vëmendjen e kamerave, duke u nisur nga një shprehje e Bjordit që thoshte se nuk i laj enët, sepse ashtu nuk më shikon njeri. Sipas Sorit, nëse do të gatuante vetëm, edhe pse këtë gjë e bën me kënaqësi, askush nuk do dëshironte ta shihte kur të tjerët mund të ishin duke bërë diçka më interesante se ai. "Dua të jem protagonist në lojë e në të njëjtën kohë edhe të gatuaj", thotë ai. Sori tregon gjithashtu se këto "aleanca të jashtme" me Arjonin ishin sa për efekt loje, sepse në realitet, si njëri dhe tjetri bënin atë që mendonin se ishte më e drejta për t‘u bërë, nisur nga mendimet personale.

Ari: Të gjithë jemi për lekët
Ari shkon në dhomë te të tjerët dhe komenton diskutimin ndërmjet Adit dhe Sorit. Sipas tij, ai ishte një debat pa lidhje dhe që të tilla gjëra nuk mund të diskutoheshin. Ari shprehet se i duket absurde që të krijohen aleanca, apo të flitet kaq shumë për lojën, kur lojën realisht e ka tjetër kush në dorë. "Këtu është të kalosh ditën bukur, por në të njëjtën kohë dhe të luash". Edhe Adela është dakord me të, se edhe ajo jeton ditën dhe nuk luan si të tjerët. Ari fillon të komentojë edhe faktin që Sori i kishte kërkuar aleancë për nominim. "Të gjithë jemi për lekët, por nuk duhet diskutuar kaq shumë", thotë Ari. Ai vazhdon të tregojë dhe disa fragmente nga biseda dhe i komenton ato.

"Dua një karikaturë prej teje"
Juna interesohet për pikturat dhe vizatimet e Adit. Ai tregon se kur ka qenë i izoluar, filloi ta praktikonte këtë gjë fillimisht duke kopjuar e më pas kuptoi se kishte aftësi në këtë gjë. Adi thotë se ka kopjuar konturet, ndërsa dritëhijet i ka bërë vetë, duke u perfeksionuar dita ditës. Juna i kërkon që t‘i bëjë edhe asaj një karikaturë të tillë, si për kujtim dhe Adi pranon që t‘ia bëjë, por duke e vënë në dijeni se nuk është shumë i aftë. Juna i thotë se e rëndësishme është që t‘ia bëjë ai. Anjeza e komplimenton për atë që i ka bërë Anit, sepse i duket shumë e bukur.

"Ki kujdes nga Sori!"
Bjordit duket sikur i ka mbetur qejfi që Adi dhe Sori nuk e pranuan në bisedën e tyre gjatë mbrëmjes së djeshme. Megjithatë, ai e këshillon që të ketë kujdes me ato që po bën. "Gjërat nuk po shkojnë mirë", i thotë ai nën zë Adit. "Mos dil nga vetja jote!" - vazhdon me këshillat Bjordi. Adi i thotë se mbrëmë ishte ai që e ftoi Sorin për të biseduar dhe se gjithashtu ai nuk e di se për çfarë kanë biseduar ata. Bjordi i kërkon Adit që të mos ia marrë për keq këto që po i thotë, sepse ia thotë se shqetësohet për të. Ai e pyet atë se si shkoi biseda dhe Adi i tregon se mori atë që deshi nga ajo bisedë.

Sori në listën e demokristianëve për deputet të Vlorës

Partia Demokristiane në Shqipëri në një deklaratë për shtyp të hënën, ka njoftuar se njëri nga emrat e listës me 12 deputetë që kjo parti do të kandidojë në zonën e Vlorës, është edhe Qetsori, personazhi i njohur i shtëpisë së "Big Brother 2".

"Të 12 kandidatët e prezantuar për këtë qark, premtuan se do të jenë zëri i qytetarëve vlonjatë në qeverisjen e ardhshme. Listën e kryeson kryetari i PDK-së, dega Vlorë”.

“Një kandidat tjetër, i cili mori një mbështetje të fuqishme nga të pranishmit, edhe pse nuk ishte prezent, ishte Qetsor F., një nga personazhet shumë të njohur tashmë të shout televiziv, 'Big Brother 2'...", shkruan në njoftimin zyrtar të demokristianëve dërguar mediave.

Kur do mbaroje ky Vllai madh me se na can koken?!

BBA, Mimoza dhe Anjeza perfundojne aventuren...Java e fundit

Nata e spektaklit te se shtunes ka qene e mbushur plot emocione. Dritherima nga surprizat e medha, por edhe dritherima gare. Nata e mbremshme ka percaktuar edhe finalistet e edicionit te dyte te "Big Brother".
 Adela, Adi, Bjordi, Qetsori dhe Arjani vazhdojne lojen edhe kete jave te fundit. Mimoza ka qene e para qe ka lene shtepine, ndersa nga nje eliminim i dyte eshte larguar edhe Anjeza. Gara ka arritur kulmin. Tashme pese banoret "luftojne" per çmimin e madh prej 70 000 eurosh. A mund ta percaktoje nje jave fatin e fituesit? Mbetet gjithçka per t‘u pare.

Bjordi, surprize nga i ati
Bjordi ishte nje personazh qe terhoqi qe ne fillim vemendjen e publikut. Se pari, sepse vinte ne kete "reality show" si nje i ri me origjine shqiptare, por i rritur ne Itali. Se dyti, edhe per historine personale te jetes. Ai nuk e ka njohur kurre te atin. E ema, Antoneta, ka marre rolin e tij dhe Bjordi e ka diskutuar kete edhe me banoret brenda shtepise. Fale ketij spektakli te madh, i ati e ka pare pas shume vitesh dhe e ka njohur te birin. Letra e pare qe i dergoi Bjordit ishin edhe fjalet e para qe ai mori nga i ati. Kur i gjithe ky spektakel eshte afer fundit, ai ka preferuar t‘i beje nje tjeter surprize Bjordit. Pas letres, i ka bere nje telefonate. Ndersa banoret e tjere kane shkuar ne dhomen e gjumit, Bjordi ka folur me te atin. Ndersa i fliste per here te pare pas 19 vjetesh, i ati i ka kerkuar falje publike. Per disa minuta ai ka kujtuar edhe çaste te femijerise se hershme te Bjordit. Pasi telefonata ka mbaruar, Bjordi eshte shprehur se ndihej i lumtur dhe shpresonte qe te mos e kishte zhgenjyer te atin.

Largohet Mimoza
Gjate gjithe javes banoret e kane diskutuar shume eliminimin gjate spektaklit te se shtunes. Treshja Mimoza, Adela dhe Qetsori jane konsideruar si konkurrente te forte. Publiku zgjodhi qe mes tre te kandiduarve te largohej Mimoza. Gjate bisedes ne studio Mimoza ka thene se do te donte qe "Big Brother"-in ta fitonte Qetsori, ndonese me perpara kishte menduar per Adelen.

Eliminimi i dyfishte
Arbana lajmeron se do te kete nje eliminim te dyfishte. Banoret do te nominojne per te fundit here. Ashtu siç edhe pritej, me te votuarit per te shkuar ne nominim kane qene dy banoret me te rinj, Anjeza dhe Ari, perkatesisht me 4 vota secili. Televotimi eshte hapur vetem pak minuta dhe me vullnet te publikut, Anjeza ka qene e eliminuara e dyte e nates se mbremshme.

Nenat brenda ne shtepi
Ka qene nje surprize krejt e veçante nga gjithe te tjerat. Nese gjate javeve te spektaklit, baballaret e banoreve kane qene protagoniste per vete ndikimin ne jeten e banoreve te tyre (Aida, Anjeza dhe Qetsori nuk i kane baballaret), "Vellai i Madh" ka pasur nje ide krejt origjinale. Brenda shtepise jane futur nenat e konkurrenteve. Nje surprize e tille as qe eshte pritur nga banoret, por njekohesisht ka habitur edhe publikun qe e ka ndjekur pergjate javeve te spektaklit. Ne kete jave te fundit, e cila do te kurorezoje nje fitues, "Vellai i Madh" u ka bere dhuraten me te madhe. Nenat do te rrine pak dite brenda shtepise, duke u bere keshtu pjese e kesaj eksperience te jashtezakonshme. Nje dhome e posaçme brenda shtepise eshte pershtatur per to.

Zgjidhen 4 finalistet(Bjordi. Adela. Adi. Qetesori)

Ari eshte konkurenti qe ka lene shtepine e “Big Brother” gjate edicionit jashte radhe qe u zhvillua mbremjen e sotme.
Votimi i publikut i ka dhene te drejten Qetesorit, Adeles dhe Adit qe te shkojne ne finale.
Bjordi kaloi drejtperdrejt ne finale pasi mori me shume vota nga nenat te cilat zgjodhen per nje nga konkurentet.
Gjate puntates se sotme kane dale edhe nenat te cilat ishin futur te shtunen per t’u dhene mbeshtetje morale femijeve te tyre