Përshëndetje te nderuar anetare dhe vizitore te këtij forumi.

Shumë këngëtare te estrades sone muzikore, e kanë zgjedhur mënyrën me te lehtë për ti bërë këngët e tyre hite. Ata i kopjojne (huzaojne) , melodite e kengeve te njohura te huaja, dhe ato i pershtatin ne gjuhën shqipe dhe menjehere i bëjnë hite. Ne këtë rubrike ju ftoj ti identifikojm këto këngë dhe këngëtare.

Ja për fillim po i identifikoj unë disa raste:

Edona Llalloshi-Pike ne zemër (kënga është e huazuar nga një film indus)
Genta Ismalji- Kthehu (Kënga është e huazuar nga një këngëtare bugare)
Rovena Stefa- Dasma (Kënga e huazuar nga një këngëtare turke)
Ramadan Krasniqi-Dani- Fjalët qe na ndan (Kënga e huazuar nga një këngëtare grek)
Nora Istrefi- The One (Kënga e kopjuar nga Elena Paprizou-My numer One)
Adrian Gaxha -Thuaj mamit (Kënga e kopjuar nga Justin Timerlike)
Soni Malaj- Të me kerkosh (Kënga e kopjuar nga muzika greke)
Miranda Hashani- Mos me lini vete (Kënga e huazuar nga këngëtari boshnjak Dino Merlin)
Mariza Ikonomi -Për ty ( Melodia e kenges e kopjuar nga Puf Dady)

Ka edhe qindra raste te tjera, adnaj identifikoni edhe ju ndonjë rast tjetër...

Adelina  edhe zavina a paskan more naj huazim qe ja kan kput kryet ceces se arkanit

qyre çka flet bleta  e  mshef ato q* te adelines  edhe t zfines qe jan krejt fallso ..Të kojshikef
Adelina ka shum kang te marruranga shkinat e serrbis, gjithsesi ka tye kopjuar edhe fazcen ashtu sikur ajo kirurgji - psun tekstet i ka shum te shtilit serb, fotot seksi deri ne ato lakuriq,dy gisht fistan ose gjysmen e trupit lakuriq e ghusmen  mbull deri ne fyt.
grimi -
gjithashtu kopje e shkinav se shqiptarkan ne kosov skan dit me ba grim para shkina e adelina esht kopje e par e shkinev e dhe sot mbetet yll për njerzit modern te pa avancuar dhe te detyruar për shkatrrimin e kulturës ton mij vjeqare .

Ja edhe disa kenge te tjera hite te estrades muzikore shqiptare te kopjuara nga muzika e huaj:

Minatori- Ne duart tua do të vdes ( e kopjuar nga muzika angleze)
Elita 5 - E urrej shiun ( e kopjuar nga një hit i muzikes rumune)
Eli Fara- I dashuruar ( e kopjuar nga muzika greke)
Big Mama- Zbritje sezonale ( e kopjuar nga Lepa Brena)
Greta Koçi-Kam mall ( e kopjuar nga muzika greke)
Arta Bajrami - Funky ( pjesë te kopjuar nga Music-Madona)
Gili- Ti harrove ( e kopjuar nga muzika greke)
Mr. Elvis- Për vjazat shqiptare ( e kopjuar nga një rep grup i huaj)

 

Po Arbias qe Zanfina me këngën Gajdegjiu qe edhe u popullarizua është kenge ne Anglishte dhe ka qen hit diku i viteve 80 mirëpo nuk e mbaj mend këngëtarin se atëherë kam qen fëmijë.
Ndërsa Adelina e ka këngën e Ceces.
Kjo është veç sa për fillim çka pom kujtohen se ka edhe shum tjera.

Të huazosh diçka është marrje, me vetedijen e dhenesit dhe me qëllim kthimi!

Kur merr diçka, pa dijen e atij prej te cilit po e merr dhe pa qëllim kompenzimi për te, atëherë kjo quhet vjedhje!

Natyralisti, po më vjen keq qe më duhet te te kundershtoj por Eliza Hoxha është një nder kengetaret qe nuk e vjedh kurr muziken, te paktën kështu mendoj unë. E sa për titullin nuk d.m.th. pse Monica Beluci e ka një album qe e ka titulluar 100% atëherë Eliza ja ka vjedhe. Nëse është ashtu, te gjithë kengetaret qe kanë albume te quajtuara p.sh.. "The greatest hits" te një këngëtari atëherë sipas teje nëse një këngëtar tjetër ka një album me titullin e njëjtë e paska vjedh prej tjetrit.

tweety  

marrë nga www.albanur.net
---------------------------------------
MUZIKA DHE DOMINIMI I KICIT
 
çALGA, SINTAKI DHE TURBOFOLKU ME FJALË SHQIPE

Adi Krasta:" Për këngët origjinale serbe, maqedonase, turke e italiane bëhet pompë si të ishin prodhime të mirëfillta shqiptare dhe ç'është më e çuditëshme këngëtarët nuk e fshehin burimin e këtyre krijimeve muzikore".

Deformimi dhe ndryshimi i tërësishëm i këngëve dhe "transformimi" i tyre nga gjuhë të ndryshme në gjuhën shqipe, po kalon si diçka e pavërejtur si nga qytetarët ashtu edhe nga kritikët muzikorë. Vlerat e mirëfillta artistike mund të vërehen vetëm te një numër i vogël këngëtarësh të cilët, çuditërisht, kanë vendosur të mos lundrojnë nëpër ujërat e komercializmit.

Publiku e ka të vështirë të dallojë këngën origjinale nga ajo që është e huazuar. Nëpër radiot dhe televizionet shqiptare, çdo ditë e më tepër, po dëgjojmë këngë që janë të huazuara në mënyrë komplete nga serbishtja, turqishtja, bullgarishtja apo rumunishtja, me ç'rast bëhet vetëm përkthimi i tekstit.

"Huazimi i këngëve të huaja bëhet nga mosdija dhe mungesa e shkollimit të këngëtarëve, mungesa e kompozitorëve dhe dëshira e madhe për t'u bërë të gjithë këngëtarë; mungesa e kontrollit të institucioneve përkatëse (produkcioneve), pasi që në këto treva secili mund të inçizojë dhe të bëhet këngëtar"-thotë dirigjenti shqiptarë, Arifikmet Xhemaili.

Për t'iu larguar huazimeve nga gjuhët e huaja, Arifikmet Xhemaili, mendon se duhet që të shkollohen gjeneratat e reja të cilat do të dinë të vlerësojnë, të bëjnë një zgjedhje, edhe për dëgjim edhe për kompozim.

"Kështu mesiguri do të mbështeten në vlerat që ne i quajmë artistike dhe do t'u ikim huazimeve të plota të këngëve dhe teksteve", thotë Xhemaili.

Fatëkeqësisht, këto këngë, jo vetëm se po punohen nga emra të njohur të estradës (Anxhela Peristeri, Rovena Stefa, Genta, Leonora Jakupi, etj.), por edhe dëgjohen në masë të madhe, madje janë hite që dëgjohen kudo.

Përsa i përket këtij fenomeni prononcohet edhe shoumeni i njohur shqiptar Adi Krasta, i cili ka dhënë një kontribut të jashtëzakonshëm për zbulimin e telentëve të rinj nëpërmjet "Etheve".

"Jetojmë në një periudhë të vështirë të biznesit muzikor. Është e vështirë me sa duket të bësh produksione këngësh origjinale. Po t'i dëgjosh me vëmëndje, tekstet e përshtatura janë të një niveli të ulët, shpesh banal, nuk i përgjigjen nivelit mesatar të popullsisë. Por kasetat shiten dhe "albumet" dëgjohen. Për këngët origjinale serbe, maqedonase, turke e italiane bëhet pompë si të ishin prodhime të mirëfillta shqiptare dhe ç'është më e çuditëshme këngëtarët nuk e fshehin burimin e këtyre krijimeve muzikore. Nuk është e ndershme mbase, në kuptimin etik të fjalës por thuhet se në biznes nuk ka turp. Për të fituar para, një njeri jo domosdoshmërisht duhet të ketë shumë skrupuj"-thotë për "Lajm" showmeni më i mirë shqiptar, Adi Krasta.

"Nuk na mbetet gjë veçse të mos i blejmë kasetat e albumet nëse nuk jemi dakord me faktin sa janë marrë nga vende të tjera. Por dyshoj shumë se tek njerëzit e zakonshëm funksionon ky mekanizëm analitik"- thotë Adi Krasta.

Në mesin e kompozitorëve ka mendime se ky invazion i kiçit mund të parandalohet nëse do të kishte një ligj për të drejtat autoriale, ashtu siç ekziston kudo në botë. Në të kundërtën, thonë ata, vetëm do të flasim dhe shkruajmë, por s'do të ketë kurfarë efekti.
 

marrë nga www.albanur.net
___________________ ___________________ ___________

NE TELEVIZION ZBAVITES - NE PERENDIM TALLAVA
 
Këngëtarët shqiptarë me repertoar të pasur zbavitëso-popullor

Sunaj Rahimi: "Vetë fakti se këngëtarët herë hidhen si këngëtarë popullorë e herë si zbavitës, tregon për një joprofesionalizëm dhe jolojalitet ndaj muzikës për të cilën këngëtari është përcaktuar në fillim. Kjo gjë shkaktohet si tendencë e kohës më të re që të komercializohet arti."

Është fakt se estrada shqiptare, sidomos ajo zbavitëse, dita ditës po pasurohet me këngëtarë të cilët mundohen ta gjejnë vendin e tyre si "yje" në qiellin e madh muzikor. Shumica e këngëtarëve po prezentohen me videoklipa zbavitës të cilat më  tepër dëgjohen nga rinia dhe aspak nuk vlerësohen nga kritikët muzikorë. Nga njëra anë ata paraqiten si këngëtarë të muzikës zbavitëse me shumë videoklipe profesionalisht të punuara, ndërsa nga ana tjetër mund ti ndëgjojmë nëpër kafenetë anembanë botës me repertoarin e tyre të pasur të muzikës  popullore. Kur flasim për këta "këngëtarë\ re", flasim për emra që janë tani më kanë bërë emër kudo edhe pse janë të papërcaktuar në sferën muzikore. Lori, Mihrije Braha, Leonora Jakupi, Odeta etj. Janë vetëm disa nga emrat që tani më disa vite funksionojnë me të njëjtin ritëm.

"Ata të cilët pak hidhen si këngëtarë popullorë e pak si zbavitës, vetë ky fakt tregon për një joprofesionalizëm dhe jolojalitet ndaj muzikës për të cilën këngëtari është përcaktuar në fillim. Kjo gjë shkaktohet si tendencë e kohës më të re që të komercializohet arti."- thotë kantautori, Sunaj Rahimi.

Simbas tij muzika në trojet e Ballkanit  nuk sjell ndonjë profit të konsiderueshëm, prandaj alternativa për përmirësim të disa këngëtarëve është kjo, ku përmes spoteve të muzikës zbavitëse mundohen të dalin nga anonimiteti.

"Është fakt se muzika zbavitëse më tepër dëgjohet nga të rinjët. Muzika në përgjithësi më tepër prezentohet nëpër kafene dhe restorante ku ka tarife dhe bakshishe të majme. Në kafenetë tona është një fenomen bizar i muzikës, ku muzika më tepër shikohet se sa të dëgjohet."- thotë Rahimi.

Këngëtari Orhan Ibrahimi i cili është njëri nga të rallët këngëtarë në Maqedini dhe më gjërë që nuk e përkrah muzikën komerciale, thotë se problemi qëndron tek popullata që akoma nuk ka arritur të bëjë dallimin mes muzikës popullore, turbofolkut dhe asaj zbavitëse.

"Populli jonë nuk ka edukatë të mjaftueshme muzikore dhe preandaj nuk di të bëjë dallimin mes turbofolkut dhe muzikës zbavitëse. Këngëtarët këtë gjë e shfrytëzojnë dhe deklarojnë se gjoja këndojnë këngë zbavitëse. Këngëtaret si Gili, Adelina Ismaili, Soni etj. nuk këndojnë këngë zbavitëse. Ato këngë nuk janë as popullore por janë një turbofolk i vërtetë." - thotë rokeri, Orhan Ibrahimi.  

Ai gjithashtu tha se këngëtarë shqiptarë që këndojnë këngë zbavitëse të pastra janë shumë të rallë dhe mund të numërohen në gishta.

Sipas vokalit të shkëlqyer shqiptar, Mustafa Ymerit, shumica e këngëtarëve mendojnë se mund ti këndojnë të gjitha zhanret muzikore.

"Dikush për shkak të mjeteve financiare fillojnë të përziejnë apo të këndojnë në një zhanr tjetër që asnjëherë më parë nuk e kanë kënduar. Në të shumtën e rasteve ato variante janë me kohëzgjatje të shkurtër dhe mbarojnë me një dështim të këngëtarit të tillë."-thotë Tafa