Grabocka sjell yjet ne Tiranë, me "Duam me shumë Shqipërinë"

Ata kanë shkelqyer ne skenat me te mëdha te botës dhe kanë ngritur lart emrin e Shqipërisë. Kane bërë qe shqiptarët te njihen si artiste, si njerëz me vlera dhe mbi të gjitha si një komb i kulturuar. Janë këta njerëz, qe ne na bëjnë te jemi pjesë e artit boteror dhe për gjithçka kanë dhënë meritojnë një falenderim të madh.

Televizioni Kombëtar Klan dhe regjisorja Vera Grabocka, do të sjellin ne ekran mbremjen e 11 nentorit, pikërisht këta ambasadore te kombit shqiptar nëpër botë. Por ndërsa prekin suksesin dhe majat e skenave ndërkombëtare duke provuar emocione, arritje dhe duke ngjallur admirim, një pjesë e tyre janë ndoshta te panjohur për Shqipërinë. Të tjerë i njohim, por na duken te largët, te paarritshem.

Ne një spektakel gjigant, qe do të marrë jetë ne skenen e Pallatit te Kongreseve, regjisorja e njohur Vera Grabocka, ne edicionin e katert te programit "Dua me shumë Shqipërinë", do të sjelle me pranë atdheut të tyre, ata qe ne fakt me shumë se kushdo kanë kontribuar ne njohjen dhe ngritjen e vlerave tona kombëtare. Të gjithë ata qe do të ngjiten ne skene mbremjen e se martes e meritojnë te jenë aty. Janë perzgjedhur dhe janë kontaktuar ne çdo cep te globit, sepse emri dhe puna e tyre janë dëgjuar dhe ndjere ngado. Tashme ata ndodhen thuajse te gjithë ne Tiranë dhe gjithçka për mbremjen e madhe është e menduar ne detaje.

Do te jetë një gala, një nate magjike, ne një formule televizive, qe për tre vite me radhe është mirepritur, jo vetëm nga publiku shqiptar, por edhe nga ai kosovar. Dhe siç ndodh shpesh ne spektaklet e regjisores Grabocka, qe kanë shpesh motiv të tyre dashurinë, "Dua me shumë Shqipërinë", lidhet me kontributin qe vete shqiptarët, japin për kombin e tyre. Jim Belushi është një prej tyre. Fama dhe emri i tij lidhen me famen dhe emrin e Hollivudit. Por origjina dhe prejardhja e aktorit te njohur lidhet me Shqipërinë. Një fakt, te cilin ai gjithmonë e ka pohuar dhe për te cilin, ne ndjehemi krenare. Të tjerët janë po kaq te suksesshem, po kaq vleresuar e po kaq te duartrokitur. Por, qe ne shqiptarët i njohim pak. Organizatoret e programit, përpiqen te jenë diskrete, të mos flasin shumë, por me tepër te punojnë dhe te ruajnë gjithë elementet surprize te programit.

Është tepër e vështirë te kontaktosh regjisoren Grabocka ne këto ditë impenjimesh, por është krejt e pamundur ta besh të flasë. Megjithatë kemi arritur të mësojmë, disa nga emrat e protagonisteve mbremjen e se martes, ndonëse figurat qe do të ngjiten ne skene janë shumë me tepër se kaq.

Dominojne te rinjtë. Shqiptare te talentuar, te shkolluar, qe guxojnë dhe kanë arritur me te miren ne skenat ndërkombëtare. Eno Peci është një prej tyre. Ka ikur qe 15 vjeç nga Shqipëria dhe ka arritur te jetë balerin i parë ne operan e Vjenes. 26-vjecari ka arritur te preke dhe te jetoje për 5 vjet rresht endrren me te madhe te çdo balerini: performancen ne koncertin e Vjenes, ku realisht te drejtën për pjesëmarrje e fitojne vetëm 3 cifte nga e gjithë Evropa. E të mos harrojmë se për te ndjekur këtë koncert spektatoret paguajne bileta qe shkojnë deri ne 12 mijë euro. Dhe nga Baleti shkojme tek Opera. Aty ku shqiptarët gjithmonë kanë shkelqyer. Të tillë janë edhe Josif Gjipali dhe sopranoja Erla Kollaku, te cilët sjellin ne Tiranë emocionet e skenave botërore. Por mbrëmja e gala e se martes do të tregoje se ne shqiptarët jemi te gjithanshem. Nuk është thjesht një çështje patriotizmi është një e vërtetë, qe na bën te ndjehemi te vleresuar, ndërsa gjithë marsejanet, thërrasin ne stadium emrin e Lorik Canes. Por këtë radhe kemi mundësinë qe djaloshin simpatik, ta shohim ne Tiranë, ne skenen e Pallatit te Kongreseve, ndërsa mesojme se ka mberritur nga Franca me një avion privat. Por ata janë shumë. Mes tyre gjejmë emrin e Ergin Kuke, një pasardhës i dinastise Kuke, një artist i vërtetë ne efektet 3D te filmave. Ne Hollivud nuk ka pasur ndihmën e te atit, regjisorit Pali Kuke, por kjo nuk e ka penguar aspak, qe ai te punoje ne filmat me te njohur dhe me te kushtueshem, mes te cileve edhe "Superman", "Zathura" apo "The Polar Express".

Të ftuarit janë shumë, por shumë me te mëdha janë rrefimet dhe surprizat, qe mbart historia e secilit prej tyre, ndaj mbrëmja e se martes ka ende, ende për te zbuluar.


Gala me Fllokon dhe Vejsiun

Një mbrëmje gala, qe kërkon edhe një prezantim dinjitoz. Ndërsa shumë njerëz mund te kenë menduar vetvetiu emrin e Alketa Vejsiut, si prezantuesen e perzgjedhur nga Vera Grabocka, ndoshta te pakte mund te jenë ata, qe do të mendonin se prezantuesi mashkull, nuk mund te ishte tjetër veçse bashkeshorti i saj. Aktori i sukseseve te pakrahasueshme ne teater dhe kinema, autori i shumë teksteve te kengeve, merr përsipër për here të parë edhe një prezantim te permasave te tilla. Nuk dimë të themi nëse ka qenë ideja e vera Grabockes apo vete propozimi i Fllokos për te marrë përsipër një angazhim te tillë, por besojme qe suksesi i Timo Fllokos dhe freskia rinore e Vejsiut janë një kombinim i gjetur.



" Koha Jone "

qenke lodhur shume qe e ke kopjuar, po per mua dua me shume shqiperine dujet te ftonte shkelzen jetishin si kengetarin popullor me te mire te gjithe trevave shqiptare. sa per regjine ok vera eshte yll, me pelqyen shume dhe dy prezantuesit, sidomos ai aktori pau

Xhim Belushi live :

http://www.youtube.com/watch?v=LpQS0tg5hU8&feature=related

Mbyllja e Spektaklit

http://www.youtube.com/watch?v=N8HsQ3495Y0&feature=related