Momenti për të blerë prona në Shqipëri
Nga Tema

Shqipëria: Sekreti i fundit i pronave


Nga “Easier Property”


Me të njëjtin bregdet të mrekullueshëm si Mali i Zi dhe Kroacia dhe me një distancë prej 60 miljesh nga bregdeti italian, Shqipëria është anashkaluar nga investitorët duke u eklipsuar nga komshinjtë e saj.

Tani, me një Shqipëri në axhendën e zgjerimit të BE dhe NATO-s, me qindra miliona euro të investuara nga BE dhe me çmime shumë të ulëta të pronave, potenciali i këtij vendi nuk është më një sekret.

“Barrasford&Bird”, një agjenci me qendër në Devon, të cilët udhëhoqën revolucionin në tregun e pronave në Bullgari më pak se tre vite të kaluara, janë agjentët e parë të pronave që po njohin potencialin e jashtëzakonshëm të këtij tregu.

Robin Barrasford, Drejtor i Përgjithshëm i “Barrasford&Bird” thotë:

“Shqipëria është një mundësi e jashtëzakonshme dhe unë mendoj se është një treg pronash i pakonkurrueshëm sot për sot. Si një nga personat që ka zbuluar i pari potencialin e Bullgarisë pak përpara bumit të viteve të fundit, iu them se nga eksperienca jonë, besojmë se Shqipëria do të shohë investime shumë të mëdha gjatë viteve në vijim.

Aq të mahnitur jemi nga ky treg i ri, sa në mënyrë konfidenciale iu themi se investitorët e parë do të arrijnë të bëjnë paratë e tyre në tre vite.”

Shqipëria ka shumë mundësi për të ofruar, duke nisur që nga kryeqyteti i mbushur plot me jetë dhe rrethuar nga i mrekullueshmi Mali i Dajtit dhe duke vijuar te porti brilant i vjetër i Vlorës.

Tirana është momentalisht duke përjetuar investime gjigante në infrastrukturë, me miliona euro të investuara nga BE. Një aeroport modern internacional është hapur vjet dhe pret fluturime nga e gjithë bota. Rrugët të reja po rregullohen për të mundësuar akses në të gjitha qendrat ku mund të bësh biznes në vend dhe lagje të tjera të reja po ndërtohen për të plotësuar nevojat e vendit.



Shqipëria iu rekomandohet turistëve


“Ready2invest”


Pushuesit që duan të vizitojnë një ambient të paqë janë të këshilluar që të shkojnë në Shqipëri.

Vendi evropiano-lindor është rekomanduar nga kompania ShermansTravel.com, me qendër në Shtetet e Bashkuara të Amerikës, e cila thekson se është një alternativë më e qetë se shumë destinacione turistike të zhurmshme.

Plazhet shqiptare vlerësohen lart nga kjo firmë, si të virgjëra dhe spektakolare.

ShermansTravel.com thotë: “Udhëtarët e aftë mund të shijojnë diell pa fund dhe mund të shmangin plazhet e zhurmshme dhe të tejmbushura.”

Kjo do të thotë se Shqipëria mund të jetë një opsion shumë i mirë për blerës të shtëpive të dyta, që nuk duan të shpenzojnë në tregje të njohura turistike.

Vendi është rekomanduar së fundi për blerësit me perspektivë dhe nga “Foreign Property Buyer”, e cila vlerëson natyrën dhe motin e mirë.

Lexuesit e kësaj faqeje janë gjithashtu të rekomanduar që, pavarësisht historisë së turbullt, Shqipëria ka kapërcyer tashmë situatën e tranzicionit dhe është një vend me demokraci të qëndrueshme që shpreson të anëtarësohet në BE.



Investimi në prona: Shqipëria, bumi i ardhshëm


“The Open Press”


Së fundi, Shqipëria e ka futur veten fuqishëm në hartë si një destinacion turistik me rritje të ndjeshme dhe si një treg pronash në zhvillim të shpejtë.

Gjërat që kanë nxitur investitorët dhe ekspertët në këtë fushë, si “David Stanley Redfern Ltd” që ta vlerësojnë Shqipërinë në këtë mënyrë, janë rritja e shpejtë e ekonomisë dhe faktorë që pritet të ndodhin në një të ardhme të afërt.

Në rastin e Shqipërisë këto faktorë janë: Hyrja në Organizatën e Paktit të Atlantikut Verior në fund të këtij viti dhe integrimi në Bashkimin Evropian në vitin 2014 dhe sigurisht rritja e turizmit në nivelin 10 për qind në vit.

Avantazhet kryesore që Shqipëria mund t`iu ofrojë investitorëve janë heqja e pengesave për pronësinë e të huajve, i vetmi parashikim është që të huajt mund të bëjnë investime tregtare, nëse ajo kalon tri herë vlerën e tokës si dhe të huajt nuk mund të blejnë tokë bujqësore- por ata mund ta marrin me qira përdorimi për 99 vjet.

Duhet theksuar gjithashtu se Shqipëria është duke tërhequr disa nga bankat më të mëdha evropiane, duke e bërë më të lehtë financimin.

Shqipëria ka gjithashtu shumë avantazhe në taksë, nuk ka taksën e fitimeve të kapitalit, nuk ka taksën e mbajtjes, taksën e trashëgimisë, nuk ka Tatimin mbi Vlerën e Shtuar për blerjen e pronës, nuk ka taksë transferimi, taksë shteti, etj.

I gjithë transaksioni mund t’ju kushtojë shumë pak, deri në një për qind që mund të shkojë për pagesën e noterit.

Potenciali ekonomik i Shqipërisë është në rritje të ndjeshme dhe ky është një nga faktorët kryesorë për të tërhequr investitorët: Prodhimi i Brendshëm është gjashtë për qind dhe duket se nuk ka shanse që të ngadalësohet.

Si gjithmonë, me një gisht në pulsin e tregut ndërkombëtar të pronave, “David Stanley Redfern Ltd” duan t`iu japin klientëve mundësinë që të marrin një pjesë nga Shqipëria. David Redfern na thotë pse:

“Ashtu si të gjitha vendet e tjera të Evropës Lindore që na kanë mahnitur me rritjen e tyre ekonomike, ne besojmë se edhe Shqipëria do bëjë të njëjtën gjë. Është bërë tashmë e njohur, që kur një vend me zhvillim të ulët, i rrethuar nga vende të tjera po me zhvillim të ulët, sheh se ata po lëvizin shpejt për të hyrë në tregun ndërkombëtar të turizmit, bën të njëjtën gjë dhe ndërmerr hapa energjikë për të mos ngelur prapa. Klima e tyre e mrekullueshme është një faktor kryesor në industrinë e turizmit.”