Po e hap këtë teme ne këtë rubrike, se shumë nga ne shqiptarët, i japim Lekë vete, policave, doktorrave, petagogeve etj.Duhet te zbatohen ligjet nga te gjithë qe mos biem pre e korrupsionit.

..............

Rast i paprecedentë në portin e Durrësit

XHEVAHIR GRADICA

Një efektiv i policisë së portit të Durrësit ka bërë kallëzim penal ndaj dy shtetasve, njëri prej të cilëve është arrestuar, ngase tentoi të provokonte si dhe të mashtronte me para kontrollorin duke i afruar para.

Një shumë e konsideruar parash nuk e ka joshur policin me inicialet N. C., i cili pasi është ndeshur me tentativën e dy personave për ta blerë me para mjafton që të mos u vuloste pasaportën në dalje, ka vënë në dijeni autoritetin e drejtorisë së policisë kufitare dhe ka bërë kallëzimin penal.

Tentativa e korruptimit

Tentativa e shtetasit Arian Filja, i cili është arrestuar pak minuta pas denoncimit që i ka bërë punonjësi i policisë së portit të Durrësit, ndërkohë që në një kohë të shkurtër është bërë e mundur të identifikohet se personi i arrestuar kishte përdorur emër të rremë në dokumente.

30-vjeçari Arian Filja sipas policisë është shtetasi Astrit Shëngjergji nga Elbasani, por, pasi ka emigruar në Angli disa vjet më parë, ka ndërruar edhe identitetin. Ai ka tentuar të kalojë përmes portit të Durrësit për në Bari me linjën e trageteve, por ka kërkuar nga polici që të mos i vulosë pasaportën si dhe të mos i bëjë asnjë shënim në dokumentacionin e tij dhe të autoveturës. Kundërshtimi që ka ndeshur tek efektivi i policisë së portit në pikën e kontrollit të dokumentacionit e ka shtyrë Astrit Shëngjergjin (Arian Filen) së bashku me shtetasin Elton Shëngjergji, 20 vjeç, edhe ky nga Elbasani, të afrojnë një shumë të konsideruar të hollash për policin. Ata kanë menduar se në këtë mënyrë do të mund të komprometonin lehtë policin, ndërkohë që ky i fundit nuk është tunduar nga dora që i është mbushur me para të prerjes 5000 lekë.

Denoncimi i policit

Madje, pikërisht në këtë kohë efektivi i policisë ka replikuar me të dy këta shtetas, duke u dëshmuar atyre se nuk pranonte të kryente shërbimin e kërkuar, pasi binte ndesh me ligjin. Shëngjergji, rezident në Angli, ishte i regjistruar si shtetas kosovarë dhe vulosja e pasaportës si dhe e makinës “Renault” tip “Megane” me targa HK 03 TZV e vendoste atë përballë shkeljes së detyrimit që kanë azilkërkuesit e huaj.

Një justifikim i tillë nuk e ka bindur policin, që pa hezituar e ka denoncuar Shëngjergjin, i cili më pas është arrestuar, ndërsa 20-vjeçari Elton Shëngjergji, që e ka shoqëruar, do të ndiqet në gjendje të lirë.

Ky është ndër rastet e rralla që policia në portin e Durrësit denoncon qytetarët, ndërkohë që thuhet se në mënyrë të përditshme ndodhin raste të tilla dhe se policia e portit ndeshet me kërkesa të shtetasve shqiptarë që bëjnë jetë azilanti në Angli, Francë, Gjermani etj.

Gazeta Metropol

Zyra për Mbrojtjen e Qytetareve funksionon dhe ne Shqipëri

Ky është rast i rrallë prandaj i është bërë  ky artikull.
Megjithatë policet ne përgjithësi le të marrin  shembull nga eksemplaret.

ca polic maskara.
shiko sa te pa pare jemi.njëherë thotë polici spranoj Lekë u be nami.hahaha
epo ca populli paskemi qenë