Nxënësi dhe mësuesi

Një ditë, një nxënës i thotë mësuesit:
- Mësues, a mund të dënohet njeriu për një gjë që nuk e ka bërë?
- Kurrën e kurrës, – ia kthen mësuesi gjithë pasion.
- Kështu, edhe ti nuk do të më dënosh mua që nuk i kam bërë sot detyrat – thotë nxënësi.

Kanuni

Një shoqatë për mbrojtjen e të drejtave të njeriut vjen në Shqipëri për të vëzhguar nga afër të drejtat e grave. Shkon në Malësinë e Pukës dhe vë re burrin me mustaqe hipur mbi një kalë dhe gruan e tij teksa vinte e ngarkuar rëndë me dru nga prapa në këmbë. E ndalin burrin dhe e pyesin:
- Përse ti në kalë dhe gruaja mbrapa teje e ngarkuar me dru?
- Kanuni thotë se gruaja nuk bën të ecë përpara burrit dhe duhet vetëm ajo të punojë..., – përgjigjet burri.
Shoqata vazhdon vëzhgimin e saj në vende të tjera derisa arrin në një fshat të Kukësit, në kufi me Kosovën. Atje shohin sërish një burrë me mustaqe mbi kalë dhe gruan e ngarkuar me dru, por kësaj here gruaja ecte para. Të ekzaltuar e pyesin burrin:
- Si ka mundësi që gruaja ecën para kur Kanuni thotë ndryshe?
- Keni të drejtë, por po ecim në zonë të minuar, – ia kthen ai.

Prizrenalia
 -"Prej nga jeni" - pyet një udhëtar prizrenalinë në autobus.
-"Nga Prizreni" - i përgjigjet ky
-"Po ti?"
-"Edhe unë jam nga Prizreni" - i përgjigjet tjetri
-"Je nga Prizreni çdo ditë të javës apo vetëm të mërkureve" - ia kthen prizrenalia
 

 
Hajni i shkathtë
 Hajnit të dënuar me vdekje, i thotë prifti:
-"Rrëfehu, dhe të gjitha dyert e parajsës do të happen për ty…"
-"S'ka nevojë, nuk ekziston derë që s'mund ta hap unë" - ia kthen hajni.
 

Emri grua Në një tubim ligjëruesi i thotë të pranishmive në sallë:
-"Le të ngiten në këmbë gjith ata që frikohen nga gruaja e vet!"
Të gjithë meshkujt u ngritën në këmbë përveq një njeriu me mustaqe që ndodhej ulur.
-"Po ju, nuk frikoheni nga gruaja?" - pyet ligjëruesi nga bina.
-"U dheva në brekë kur e përmendët emrin grua, dhe tash nuk mund të ngritem në këmbë..." - tha njeriu i ulur!?

Të shkojmë papa
 Për të ikur nga vdekja, plaka ishte fshehur në mes të foshnjeve, nipa dhe mbesa të saj. Pas disa kohe vjenë Xhebraili dhe e kërkon plakën e nuk e gjen dot. Duke e shikuar përreth, e sheh një foshnje të shëmtuar plotë rrudha. Ndalet dhe e shikon. Pastaj e pyet:
-"Çka po bënë këtu". Plaka që ishte maskuar në foshnje ia kthenë:
-"Po ha moka (lexo smoki)"
-"Ani, mirë, ha moka dhe ec të shkojmë papa" - ia kthenë Xhebraili

Ferri pa zjarr

Vdesin dy shokë. Njëri shkon në parajsë, ndërsa tjetri në ferr. Pas disa kohësh ky që ishte në parajsë mendon të shkojë e ta shohë shokun e tij se si po ia kalon në ferr. Kur shkon, hyn në ferr dhe shikon një errësirë të madhe dhe asnjë zjarr, ashtu siç e priste. Pasi takon shokun, e pyet i habitur:
-Ore, po çfarë ka ndodhur këtu që nuk shikoj asnjë zjarr?!
-Po ku të lë njeri këtu që të ulesh e të mbledhësh shkarpa...

Si kam lindur?

Fëmija i vogël një ditë shkon dhe pyet të atin:
-O ba, si kam lindur unë?
-Po ja, – i thotë ai, - unë me mamin iu lutëm shumë Zotit që të na jepte një djalë të mirë dhe të nesërmen të gjetëm ty mbi një trëndafil.
-O ba, o ba, po ti si ke lindur?
-Mua, të keqen baja, më gjeti gjyshja mbi një borzilok.
-O ba, po gjyshi si ka lindur?
-Gjyshin e gjeti stërgjyshja mbi një karafil.
Dhe fëmija që ia kthen i irrituar:
-O ba, a bën kush seks në këtë shtëpi?!...

Plaku i moçëm

Në fshat një i metë nga mendtë hipën majë pemës dhe qëndron aty për dy ditë pa lëvizur fare. U mblodhën të gjithë, i madh e i vogël, për t’i folur dhe për t’ia mbushur mendjen budallait, por ai, siç duket, ishte i vendosur që të mos zbriste prej andej. Pasi diskutuan mirë e shtruar se si ta zgjidhnin këtë problem, fshatarët panë që çdo zgjidhje dukej e dështuar. Atë moment dikush thotë:
-Po sikur të thërrasim plakun më të vjetër të fshatit që të na tregojë me mençurinë e tij si të dalim nga ky problem?
Të tjerët miratojnë me kokë dhe dikush shkon e lajmëron plakun. Pas 20 minutash duket plaku i thinjur, me mjekër e me mustaqe të bardha dhe me bastun.
-Si është puna që më keni kërkuar, djema?
-Xhaxha, ka hipur ai budalli në pemë dhe kemi dy ditë nuk e zbresim dot. Po e premë pemën do të vdesë, po qëndroi aty edhe pak, prapë do të vdesë. Si t’ia bëjmë?
- E thjeshtë fare, djema. Hidhini një litar dhe lidheni mirë, pastaj tërhiqeni me forcë.
Fshatarët e lidhin me litar dhe e tërheqin. Budallai bie poshtëë dhe vdes.
-Po ç’na bëre kështu, more xhaxho? – i thotë ata plakut.
-More djema, unë mbaj mend në ’44-n... kur ra njëri në pus, kështu e nxorëm.