Eliza Dushku, leksione studentëve shqiptarë
Dëshira për një film në Tiranë dhe udhëtimi drejt Kosovës

Aktorja: Do mësoj shqipen dhe do rikthehem në Shqipëri

Nuk dua të duket si klishe, por mendoj se Shqipëria është një vend shumë i bukur", është shprehur 26-vjeçarja Eliza Dushku dje, gjatë një takimi me studentët shqiptarë të dramës për të rrëfyer karrierën e saj në Hollivud. Tregon se nuk e njeh aspak kinematografinë shqiptare, por një ftese nga këtu nuk do t'i thoshte kurrë jo. "Nëse producentët apo ndokush nga regjisorët shqiptarë do të më ofronte një rol në film, do ta konsideroja të vlefshme ftesën e tyre", u shpreh aktorja me origjinë shqiptare. Eliza, me origjinë nga Dushku i Korçës, thotë se është duke mësuar shqipen, gjuhen e stërgjyshërve të saj, të cilët emigruan në Boston rreth një shekull më parë. "Unë kam gjak shqiptar dhe dua të theksoj se jam një kombinim i mirë shqiptaro-danez, por në shumë mënyra ndiej se gjaku im shqiptar rreh më fort në deje", u shpreh ajo krenare. Përballë studentëve të Akademisë së Arteve dhe pedagogëve të tyre, Dushku rrëfeu eksperiencat e saj të para në kinematografi përkrah aktorëve të njohur si De Niro, Shvarceneger e shumë të tjerë. "Kur bëra audicionin e parë isha 10 vjeç dhe mbaj mend se në sinopsin e vlerësimit për provën time kishin shkruar: "aktore me instinkt shumë të fortë, por me një aksent të tmerrshëm në anglisht", shtoi ajo duke qeshur, duke shtuar se i janë dashur mëse tre javë për të përmirësuar aksentin, që anonte nga ai i Bostonit. "Babai dhe vëllezërit e mi bënë të pamundurën dhe arritën të më detyrojnë të mos e flas më atë theks". Ardhja e saj në Shqipëri, madje për herë të parë, u bë e mundur nga një ftesë e regjisores Vera Grabocka, për të qenë e ftuara speciale e festivalit "Euro Video Grand Prix". Gjatë ditëve të qëndrimit të saj në Tiranë, aktorja është takuar me kryeministrin e Shqipërisë, Sali Berisha, në zyrën e tij. Gjithashtu ka marrë pjesë në një pritje të organizuar enkas për ardhjen e saj, si dhe për evenimentin e festivalit në Pallatin e Brigadave në Tiranë, ndërsa po dje është nisur drejt Korçës, vendit të të parëve të saj. Dushku gjithashtu rrëfeu gjatë takimit që zgjati gati një orë, për episode të jetës, ku origjina shqiptare ishte shkaku i një sërë situatash komike. Përsa i përket aktrimit në teatër apo show-t televizive, aktorja u shpreh se kishte ende frikë nga skena. "Frikën kam mundur ta largoj vetëm në film", tha ajo, duke kujtuar emocionet në përvojën e parë në një shfaqje reale televizive në Brodway, ku kishte interpretuar rolin e Lusit, një paranojake. Por duhet theksuar se në axhendën e saj të ngjeshur, bukuroshja e kinemasë ka menduar të kthehet së shpejti në Shqipëri gjatë një vizite të dytë, ku do të shpalosë mjaft surpriza, për të cilat mendon të mbeten të tilla.

Marre nga GazetaPanorama

Kam pershtypjen qe nga Korca eshte me origjine i jati i saj, pra eshte ashtu sic thua ti Lepurushe. Sidoqofte mbiermi Dushku eshte shume i perhapur. Une njoh shume familje me kete mbiemer dhe nga Elbasani.

tatuazhi i Elizes

Eliza Dushku reklamon tatuazhin shqiptar në Amerikë

Aktorja hollivudiane, Eliza Dushku, ka vetëm dy ditë që ka mbërritur në Amerikë, pas vizitës së saj të parë në vendin e paraardhësve. Në një intervistë të dhënë për agjencinë prestigjioze të lajmeve "Associated Press", aktorja është shprehur mbi vizitën në Shqipëri, ku dhe ka reklamuar tatuazhin e saj të ri; një shqiponjë me dy krerë, e modeluar sipas flamurit kombëtar shqiptar.
ka bërë tatuazhin në kurriz. Gjithashtu Eliza Dushku e ka cilësuar këtë një suvenir shumë të veçantë nga toka e paraardhësve të saj, simbolin e vendit, shqiponjën me dy krerë. Përveç Tiranës, aktorja ka vizituar dhe Korçën, qytetin e origjinës së të atit, më pas është ndalur në Kosovë. Aktorja është shprehur shumë e impresionuar nga mikpritja dhe nderet që i janë bërë gjatë udhëtimit të saj të fundit, në të cilat ka përfshirë edhe takimet me kryeministrat e vendeve, Sali Berisha dhe Agim çeku. "Jam krenare për prejardhjen time dhe këtë e kam vulosur në kurriz, kjo më bën të jem edhe më krenare që jam shqiptare", tha Dushku, e shoqëruar nga familja dhe miqtë e saj. Ajo, gjatë vizitës në Kosovë, ka bërë homazhe edhe në varrin e ish-presidentit Ibrahim Rugova. "Eshtë shumë emocionuese", tha ajo, duke ekspozuar një byzylyk gome në shenjë të pavarësisë së Kosovës. "Kam kaq shumë emocione që po më përshkojnë shpirtin, mendjen dhe zemrën time", është shprehur Dushku për agjencinë, duke shtuar se do të jetë sërish në Shqipëri, qoftë edhe për të interpretuar ndonjë rol.

Eliza

Eliza Dushku