Ministrat e jashtëm të Bashkimit Europian kanë rënë dakord që të liberalizojnë vizat në fund të këtij viti për tre shtete të Ballkanit Perëndimor, Serbia, Maqedonia dhe Mali i Zi. Shqipëria dhe Bosnja s'kanë përmbushur kriteret.

Ky fakt vërtetohet edhe nga një raport i përgatitur kohë më parë, por bërë publik vetëm dje, ku Shqipëria ka marrë vlerësimin më negativ në të katër blloqet e kritereve të Udhërrëfyesit, ndërkohë që Maqedonia ka marrë vlerësimin maksimal.

Raportet e Misioneve të Vëzhgimit, duke u kombinuar edhe me informacionin që është dërguar nga vetë qeveritë e vendeve të Ballkanit Perëndimor, kanë shërbyer si bazë për përgatitjen e raporteve më të fundit të vlerësimit të komisionit për secilin vend. Konkretisht, iniciativa për Stabilitet Europian (ESI - European Stability Initiative), një institut politikash që merret me analiza komplekse të çështjeve të ndryshme, ka hedhur dritë mbi një dokument krahasues vlerësimi me standardet që kanë plotësuar vendet e Ballkanit Perëndimor, për të përfituar nga regjimi i liberalizimit të vizave. Dokumenti i përgatitur kohë më parë, është bazuar tek vizitat e ekspertëve të misionit vlerësues të situatës dhe të Vlerësimit të Komisionit Europian të implementimit të Udhërrëfyesit mbi liberalizimin e vizave nga ana e shteteve të Ballkanit Perëndimor. Pikërisht, në bazë të këtyre vlerësimeve, Bashkimi Europian do të vendosë përfundimisht (në fund të muajit korrik) se cili prej vendeve do të përfitojë lëvizjen e lirë për qytetarët e vet, duke filluar nga viti 2010. Megjithatë, nisur nga të dhënat që përfshin raporti, Shqipëria ka pak gjasa që të ketë fatin e vendeve fqinje. Komisioni Europian, në vlerësimin e tij për përmbushjen ose jo të standardeve nga vendet e Ballkanit Perëndimor, ka përdorur 6 shprehje të ndryshme, të cilat variojnë nga "plotëson standardet" deri tek "nuk plotëson standardet". Sipas metodologjisë së vlerësimit, nota 1 përkon me "përmbushjen e standardeve", nota 2 përkon me "përmbushjen e shumicës së standardeve" dhe nota 3 përkon me "mospërmbushjen e standardeve". Shqipëria renditet e fundit, së bashku me Bosnje-Hercegovinën, duke marrë notën 3 në të katër blloqet e Udhërrëfyesit, ndërkohë që Maqedonia ka marrë notën 1, duke qenë se i ka plotësuar të gjitha standardet. Mali i Zi dhe Serbia kanë marrë notën mesatare 1,75 dhe presin vendimin e BE-së në lidhje me heqjen e regjimit të vizave Shengen për qytetarët e tyre.

Të dhënat e bazuara mbi vlerësimet e brendshme të Komisionit Europian mbi zbatimin e Udhërrëfyesit drejt një regjimi pa viza në vendet e Ballkanit Perëndimor

Maqedonia i plotëson kriteret, nota: 1
Mali i Zi plotëson shumicën e kritereve, nota: 1,75
Serbia plotëson shumicën e kritereve, nota: 1,75
Shqipëria nuk plotëson kriteret, nota: 3
Bosnje-Hercegovina nuk plotëson kriteret, nota: 3


Shpjegimi i notave
1- "i plotëson kriteret" dhe "përgjithësisht i plotëson kriteret"
2 - "plotëson një numër të konsiderueshëm të kritereve" dhe "plotëson pjesën më të madhe të kritereve"
3 - "në rrugën e duhur, por..." dhe "ende nuk i plotëson kriteret".

GShekulli

Mendoj se kushti kryesor Shqiperine do te jene zgjedhjet e 28 qershorit.
Nese arrihet te behen zgjedhje normale dhe me standarte te larta besoj se edhe vendi yne do te arrije te jete ne nje nivel me fqinjet.
Nuk eshte aspak sekret qe media si "Shekulli" dhe "Gazeta Shqiptare / BalkanWeb" preferojne me mire t'i japin kredite politike atyre te cilet u qendrojne prane, se sa te jene objektive dhe informues.

Te Gazeta "Shqip" eshte nje artikull qe e thote qarte se RSH eshte aty te 30 % ne realizimin e detyrave, ndersa tre vendet e tjera jane shume me perpara, por jo ne fund te rruges. Artikulli i "Shqip": http://www.gazeta-shqip.com/artikull.php?id=66387

Duke marre parasysh se Shqiperia para 4 vjetesh konsiderohej akoma vend i pasigurte dhe burim i madh trafiku dhe kriminaliteti dhe duke ditur se vende si Maqedonia e kane nisur procesin shume vite me pare, mund te thuhet se kemi ecur shume mire.

Te Gazeta "Panorama" (qe per mua eshte gazeta me e balancuar shqiptare) thuhet se vendimi brenda ketij viti: http://www.panorama.com.al/index.php?id=29494
Pra akoma ka kohe qe gjerat te ecin per mire.
Sic thashe ne fillim; nese do tregohemi te civilizuar me 28 qershor mund te heqim nje here e mire kete kalvarin ne rrugen e ambasadave te BE.

Dhe nje here: nese ka zgjedhje te rregullta, pavarsisht se kush fiton, nuk do te vonoje qe dhe ne do te kapim vendet perqark.
Mendo qe kur edhe Gjinushi ( ) thote se ne 2010 do heqim vizat, kuptohet se kjo gje nuk eshte e paarritshme.

He mer burr i dheut se po ban sikur te ka vra Berisha baben

Eshte gabim qe e personalizojme politiken shume politiken duke e kufizuar vetem ne disa emra. Partite jane shume komplekse dhe me nje sfond te gjere njerezish e historish e t'i kufizosh vetem ne nje Berishe a Rame eshte shume gabim.
Dje ishte Nano dhe gjithcka merrej nen binomin Berisha-Nano, ndersa sot per cdo gje Berisha-Rama. Neser Iksi-Ypsiloni.
Ne nje kohe qe nuk duhet te jete keshtu, se sic thashe jane partite organizmat e vertete dhe kreret e tyre jane ashtu sic kane dhe emrat: vetem krere.

Qashtu or taj...

Presidenca suedeze e Bashkimit Evropian ka prezantuar prioritetet per 6 mujorin e dyte te vitit 2009.

Per Shqiperine, suedezet vleresojne se Komisioni duhet te jape opinionin e tij mbi dhenien ose jo te statusit kandidat menjehere pas zgjedhjeve te pergjithshme dhe perpara perpilimit te progres-raportit te nentorit.

“Aplikimi i Shqiperise eshte dorezuar dhe sigurisht qe ne po e ndjekim dhe do te ndjekim menyren se si do te zhvillohen zgjedhjet e te dieles ne Shqiperi. Me pas eshte ceshtje thjesht teknike qe ta dergojme kete aplikim nga Keshilli tek Komisioni. Atehere Komisioni do te beje ate qe ne e quajme X-Ray, apo skanimin e vendit. Dhe ky skanim do te jete shume i gjere e une nuk pres qe Komisioni te na raportoje mbrapsht para se te kete kaluar me shume se nje vit, njesoj si per Malin e Zi, pasi ka shume pune per tu bere ende. Dhe vetem atehere, kur ceshtja t’i kthehet serish Keshillit te BEse, ne do te diskutojme a do t’i jepet vendit statusi kandidat, apo nese mund te levizet edhe me perpara se kaq”, ka deklaruar ministri i Jashtem suedez, Carl Bilt.

Shefi i diplomacise suedeze permendi se nje tjeter prioritet i presidences eshte dhe liberalizimi i vizave me Ballkanin, sikunder dhe bashkepunimi rajonal ne praktike.

“Ceshtja e liberalizimit te vizave eshte qartesisht nje shqetesim kyc si per ne njesoj edhe per vendet e Ballkanit perendimor. Ne do te theksojme pervec kesaj nevojen per intensifikimin e bashkepunimit praktik rajonal ne ceshtje te ndryshme, sic jane energjia apo transporti, e kjo pak me poshte nivelit me te larte politik, por ne terma konkrete per ta bere me te lehte perparimin ne keto ceshtje”, ka shtuar Bilt.

Suedia merr presidencen e radhes te Bashkimit Evropian ne 1 korrik dhe do te udheheqe 27 vendet anetare deri ne 31 dhjetor 2009.

TCH