Dy partitë e mëdha PD dhe PS kanë varur shpresat për të fituar të drejtën e formimit të qeverisë së ardhshme në keto tre kuti. Të dhënat paraprake nga Komisioni Qendror i Zgjedhjeve, nxjerrin në raport të barabartë mandatesh 70-70 të majtën dhe të djathtën. Komisioni Qendror Zgjedhor do të bëjë numërimin e fleteve te votimit qe ndodhen ne tre kutite.

FIER- Pritet të nisen nga qyteti i Fierit kutitë e KZAZ numër 20, që i përkasin komunës Libofsh të rrethit Fier të cilët u deklaruan të parregullta nga komisionerët e PD-së. Kutitë u bënë objekt për tensionimin e situatës pranë kësaj KZAZ, gjatë orëve të mbrëmjes së të mërkurës deri në orët e para të mëngjesit të sotëm.

Komisionerët e Partisë Demokratike pretendonin se 3 kutitë kishin probleme teknike dhe ishin të papranueshme për një proces normal. Ku fakt irritoi kandidatët dhe përfaqësuesit e PS-së në këtë proces, të cilët e kontestuan këtë vendim dhe kërkuan rinumërim të kutive dhe vlerësim të rezultateve.

Simpatizantë të PS-së dhe kandidatë e përfaqësues të saj ishin mbledhur pranë KZAZ dhe nuk lejonin transportimin në KQZ me frikën se do mund të kishte manipulime nga ana e qeverisë.

Situata u tensionua mbrëmjen e djeshme, rreth orës 21:00, kur një turmë banorësh të qytetit të Fierit, mbështetës të Partisë Socialiste, penguan kamionin që do të transportonte në KQZ 103 kutitë e votimit të KZAZ-së nr.20, e vendosur në mjediset e shkollës së mesme “Perikli Ikonomi” të qytetit.

Komisioni Qendror Zgjedhor u detyrua të mblidhet urgjentisht në orën 01. 00 të mëngjesit të sotëm për të gjetur një zgjidhje për situatën. Me shumicë votash, anëtarët e propozuar nga PD në këtë institucion vendosën që fletët e votimit të tre kutive të komunës Libofsh të trasnportoheshin drejt KQZ-së për t’u numëruar, nën shoqërimin e forcave të policisë së shtetit. Në një reagim të menjëhershëm të asaj ore deputeti socialist, Gramoz Ruçi kundërshtonte vendim. Në një prononcim të vonë për mediat, paralajmëroi se “policia do të duhet të kalojë mbi trupat tona sepse ne kutitë nuk do lejojmë që të shkojnë drejt Tiranës”.

Por në orën 3 të mëngjesit, pas ndërhyrjes së ndërkombëtare, ( sic shkruan sot Gazeta Shqiptare) u vendos që kutitë e votimit të niseshin drejt kryeqytetit. Lajmi i transportimit te kutive u konfirmua dhe nga kandidati i PS per deputet Sajmir Tahiri.

Dy partitë e mëdha PD dhe PS kanë varur shpresat për të fituar të drejtën e formimit të qeverisë së ardhshme në tre kutitë e votimit të komunës Libofsh në KZAZ-në nr.20.

Të dhënat paraprake nga Komisioni Qendror i Zgjedhjeve, nxjerrin në raport të barabartë 70-70 të majtën dhe të djathtën. Ndaj edhe votat e kësaj KZAZ-je janë vendimtare për palët respektive. Pa llogaritur këto kuti votimi, raportet e mandateve në Qarkun e Fierit në bazë të votave që janë numëruar deri tani nxjerrin fitues PS-në me 9 deputetë, PD-në me 6 dhe LSI-në me një deputet.
(s.g/BalkanWeb)

Ke van nai bast ti kshu?

Nga sa kam lexuar une PS i duhen disa mijera vota te arrije kete gje, ndersa nga ana tjeter PDI i duhen disa qindra per te rimarre deputetin e dyte. Keshtu me duket se PS po mundohet me shume te mbroje rezultatin aktual se sa ta thelloje ate.
Gjithe ajo rremuje me duket se behet per t'i krijuar Rames alibine per te mos dhene doreheqje nga PS.
Por ngado ta rrotullosh rezultatin perseri PS ka me pak mandate se PD. Edhe sikur ta marre kete deputetin e dhjete ne Fier.
Pastaj Rama nga doli aleat me Meten, ne nje kohe qe vetem disa dite para zgjedhjeve zedhenesi i PS gjithe arrogance deklaroi se Meta duhet te votoje per PS- dhe kur gjate gjithe fushates bertitnin me te madhe se vota per LSI eshte vote per Berishen?